UMARIBA na naman ang mga Kimerald!
Ngayong lantaran na ang relasyong Gerald Anderson at Sarah Geronimo, ang Pop Princess naman ang tinitira-tira ng mga fans nina Gerald at Kim Chiu, kabilang na nga diyan ang pagtawag nila kay Sarah ng “pakawalang babae”.
At dahil diyan, hindi lang si Sarah ang nasaktan kundi pati na rin si Gerald.
Ayon sa isang interview sa aktor, “Ganu’n talaga, e.
Mayroon talagang mga fans na ganun ‘yung paraan ng pagsuporta nila.
Wala na tayong magagawa diyan, dating-dati pa ‘yan.
“Ako, si Kim at si Sarah, medyo matagal-tagal na rin kami sa ginagawa namin at medyo sanay na kami at alam na namin na ganu’n talaga,” dagdag pa ni Gerald.
“Naiintindihan ko na ‘yun ang paraan ng pagpapakita nila ng suporta nila.
Pero hindi ko naman sinasabi na ‘yun ang tamang paraan.
Kung ganu’ng klase ng paraan ng pagsuporta ang gagawin mo sa amin, siguro mabuti pa na ‘wag na lang kasi ayokong nakakasakit ng ibang tao.
Sana huwag tayong mandamay ng iba na nananahimik lang,” pakiusap pa ng aktor.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.