Carla dinadalaw si Tom sa taping, magdyowa na?

KUNG may isang direktor ngayon na kaliwa’t kanan ang proyekto sa telebisyon, ‘yan ay walang iba kundi si direk Mark Reyes. Imagine, apat na programa ang hawak niya ngayon sa Kapuso network! Ikaw na direk! Ha-hahaha!

Maayos na ang kalusugan ni direk Mark nang makausap namin siya sa pocket presscon ng bagong reality talent search ng GMA na Bet Ng Bayan to be hosted by Regine Velasquez with Alden Richards.

Wala na rin siyang tungkod ngayon. Kung matatandaan nagkaroon ng mild stroke ang direktor ilang buwan na ang nakararaan.
Bukod sa Bet Ng Bayan, siya rin ang direktor ng afternoon series na The Half Sisters starring Barbie Forteza, Andre Paras at Thea Tolentino, siya rin ang naatasang magdirek ng bagong game show ng Siyete na Don’t Lose The Money hosted by Tom Rodriguez.

At siya rin ang napili ng GMA na pumalit kay Louie Ignacio bilang direktor ng second season ng dance show ni Marian Rivera. Sa susunod na Sabado mapapanood ang unang episode na idinirek niya.

“I have an alternate directors. It’s really hard to run the four shows!” ani direk. Siyempre, kailangan pa rin daw niyang magdahan-dahan dahil ayaw naman niyang ikompromiso ang kanyang health condition.

Kuwento pa niya, nagtapos na sana ang The Half Sisters pero gusto ng GMA na magpatuloy pa rin ito dahil napakaganda pa rin ng ratings na nakukuha nito.

Puring-puri nga niya ang mga bida ng serye na sina Barbie at Andre, na aniya’y parang sina Dingdong Dantes at Marian noong nagsisimula pa lang.

“I’m watching my health. GMA naman knows na kailangan kong magpahinga, I need to be relieved with Half Sisters kasi magse-segue ako sa Don’t Lose The Money.

They allow me to have an off. They are very careful with that naman. Ayaw naman nilang may mamatay sa trabaho! Ha-hahaha!” chika ni direk.

Natanong sa kanya kung ano naman ang masasabi niya kay Alden bilang host dahil first time nga nitong sasabak sa hosting para sa Bet Ng Bayan.

Sey ni direk revelation daw para sa kanya si Alden bilang co-host ni Regine. May “masa” appeal at karisma raw kasi si Alden na siyang nagustuhan sa kanya ng manonood.

“Just like Tom Rodriguez in Don’t Lose The Money. You’ll be surprised how he does. Ganoon din si Alden. He’s perfect at walang ere, tingin ko naman may chemistry sila ni Regine pagdating sa hosting,” dagdag pa ni direk Mark.

Hirit pa ng super busy na direktor, “It was a unanimous decision that Tom should handle that. I don’t wanna mention from the other side but he’s our answer to Lucky Manzano probably. Sa GMA si Tom Rodriguez.

“Imagine, he’s coming from an 18-hour taping and then segue to the show. His energy is still up,” sey pa ng direktor. Itsinika rin niya na dumalaw daw sa taping nila one time si Carla Abellana, kaya natanong siya kung sila na ba? “You know, I’m clueless with that.

What I can confirm is that dumalaw si Carla once. ‘Yun lang ‘yon. Dalaw lang! Dumalaw nu’ng pilot. That’s all I can confirm. ‘Yung tsismis, wala eh. Sorry hindi ko alam! Ha-hahaha!”

Next week na mapapanood ang Don’t Lose The Money bago ang The Ryzza Mae Show at sa October naman magsisimula ang Bet Ng Bayan kung saan magtatagisan ng talento ang mga kababayan natin mula sa Luzon, Visayas, Mindanao at Metro Manila. Tatlo ang magiging grand winners dito, isa sa singing, isa sa dancing at isa sa kakaibang talento.