P170M jackpot sa 6/55 Grand Lotto nakaabang
INAASAHANG aabot sa P170 milyon ang jackpot prize ng Grand Lotto 6/55 sa bola nito Miyerkules ng gabi. Ito ay matapos na walang tumaya sa mga lumabas na numerong 54-19-02-21-14-44 sa draw noong Lunes ng gabi. Umabot ang actual na jackpot prize sa P157.9 milyon. Nagkakahalaga ng P45.6 milyon ang itinaya sa naturang bola. Sa bawat P1 itinataya sa lotto 55 sentimos ang napupunta sa prize fund, 30 sentimos sa charity fund at ang nalalabi sa operasyon ng lotto. Nanalo naman ng tig-P134,340 ang 17 mananaya na nakakuha ng lima sa anim na numerong lumabas, at tig-P1,420 naman ang 1,283 mananaya na naka-apat na numero. Balik-taya ang 30,183 mananaya na nakatatlong numero.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.