Honeymoon nina Jericho at Kim Jones di na matutuloy
NAPURNADA pa ang honeymoon nina Jericho Rosales at Kim Jones. Nagdesisyon ang future husband and wife na huwag munang magpulut-gata pagkatapos ng kanilang kasal sa susunod na buwan.
Ito’y dahil nga sa commitment ni Echo sa Primetime Bida series ng ABS-CBN na The Legal Wife. Marami pa kasing kailangang tapusing eksena ang aktor para sa nasabing soap opera bago siya makapagbakasyon.
“We are still taping in May. In fact, pinush namin ni Kim ‘yung honeymoon namin because we both said na sige, mag-give way muna sa work.
It’s a bit frustrating on my side kasi hindi namin maiiwasan ‘yung nangyaring problema, but she was very understanding,” chika ni Echo sa nakaraang pocket presscon ng The Legal Wife na palaging trending worldwide dahil sa mga kontrobersiyal na eksena nila nina Maja Salvador at Angel Locsin.
Ayon kasi sa mga lumabas na balita, nagmamadali na raw ang production na tapusin ang serye dahil nga sa nakatakdang kasal nina Echo at Kim sa May 1 na gaganapin sa Boracay.
Kuwento ng aktor, talagang nagpasalamat ang buong production ng The Legal Wife kay Kim dahil sa pagpayag nito na i-postpone muna ang honeymoon, “In fact, the production sent her flowers for saying yes, for offering to postpone our honeymoon.
After the wedding, we go back to Manila, settle for a few days, then I go back to taping na rin. Then by June, we will take off.”
Actually, dapat daw ay tapos na ang lahat ng mga eksena nila para sa serye pero na-delay daw ang kanilang taping dahil sa hindi mga problema na hindi nila kontrolado.
“Nasa ano kami talaga, ‘yung season namin, swak kami sa season. Unfortunately, we were supposed to air months and months ago. ‘Yung Malaysian soap na ginawa ko ay nasabay dito.
“Things had to be pushed, so many things happened. ‘Yung Yolanda, some internal issues, problems. May mga natapon na kaming material kasi biglang naging for airing kami.
We shoot sequences today na it will be aired tonight, kunyari. So nagkasabay. “Tapos ‘yung wedding namin ni Kim, hindi mo naman pwedeng i-move ‘yon.
Everything was ang peg sana months before. The Legal Wife was supposed to end siguro mga two or three months ago, so na-delay lahat. ‘Yung show namin sa Malaysia nag-domino effect, na-delay din, so kinailangan kong magsabay ng dalawang soap, which I don’t usually do.
“So ang life ko has been hotel, airport, set. Bihirang-bihira ako mag-stop sa bahay. That was for four months,” mahabang esplika ni Jericho.
( Photo credit to jerichorosalesfanpage )
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.