Bong nakipagbati na kina Vicki at Hayden sa Holy Land

Nakita namin ang mga litrato nina Sen. Bong Revilla at Rep. Lani Mercado at ng balitang nagkabalikan nang sina Vicki Belo at Hayden Kho na kuha sa Egypt – ito’y patunay nga raw na maayos na ang lahat sa pagitan ng senador at ni Hayden.

Kung matatandaan medyo nasira ang friendship nina Bong at Vicki nang ipaglaban ng senador ang sex scandal case ni Katrina Halili laban kay Hayden noong 2009.

Dahil kasi rito, binawi ng Professional Regulation Commission ang medical license ni Hayden.At nang magkasama-sama nga muli sila sa dalawang linggong spiritual journey sa Holy Land, (bukod sa Egypt, nagpunta rin sila sa Jerusalem, Israel), dito na nga nagsimulang bumalik ang kanilang pagkakaibigan.

Kamakailan, inamin ni Vicki Belo na totoong nagtampo siya noon kay Bong dahil nga sa pakikipaglaban nito sa kaso ni Katrina laban sa dati niyang dyowang si Hayden.

Muntik pa nga nilang kanselahin ang trip nila sa Israel dahil nalaman nga nilang pupunta rin doon ang pamilya ni Bong. Pero may nagpayo raw sa kanila na baka ito na raw ‘yung tamang panahon para tapusin na ang kung anumang namamagitang issue sa kanila kaya itinuloy na rin nila.

At ito nga, mukhang tagumpay ang kanilang pangingilin sa Israel at nagkaayos-ayos na nga silang lahat. Nakatakdang bumalik sa Pilipinas sina  Bong sa katapusan ng Abril at nangako ang kampo ng senador na sa pag-uwi niya sa bansa ay haharapin niya ang lahat ng akusasyon sa kanya tungkol sa pork barrel scam.