Derek sa ‘KRISTEK’: Wala akong payo kina Kris at Mr. Bautista!

KAHIT anong pilit ang gawin ng entertainment media kay Derek Ramsay na magkuwento tungkol sa bagong babaeng nililigawan niya ngayon ay nanatili itong matigas, paninindigan daw niya ang kanyang sinabi noon na hangga’t maaari ay hindi na siya magdedetalye tungkol sa kanyang lovelife.

Pero siniguro naman ng hunk actor na masaya ang personal niyang buhay at dahil non-showbiz nga ang girl na nagpapaligaya ngayon sa kanya ay mas lalo niyang sisikapin ang maging pribado sa kanyang bagong pag-ibig.

“Paano ko ba sasabihin? I promised myself na when it comes to my lovelife, I wanna be more private. I mentioned that to everybody before.

“I am seeing someone but, for me, I want to keep that to myself because I’m getting older. I’m at the part of my life when I have to find the right one. I will keep this to myself for now, to be honest with you.

“But to talk about if masaya ang puso ko, yes, masaya ang puso ko,” aniya sa press sa ginanap na contract signing niya sa Regal Entertainment kamakailan, kasama ang kanyang manager na si Jojie Dingcong, Mother Lily at Roselle Monterverde.

“For me, I just wanna be more private to stuff like that. I was like that in the beginning but, you guys, all know that I am an open book. If you ask me a question, I always answer.

This part, gusto ko lang na maging mas private,” dagdag pa ng bagong Regal baby ni Mother Lily na aminadong matagal na niyang gustong makagawa ng pelikula sa Regal.

Tanong kay Derek, ito ba ang natutunan niya sa mga nakaraan niyang relasyon na lahat nga ay nauwi lang sa wala? “I don’t like to call it disadvantage, but there’s a lot of pressure on you.

For me, I don’t want to carry that weight. It’s hard to have that weight on your shoulder every day—everyone’s watching, everyone’s looking.

“So, para sa akin, on my part, I should take that off my shoulders and give myself that space to grow in this new relationship,” aniya pa.

Hindi ba nagselos ang babaeng tinutukoy niya nang ma-link sila ni Kris Aquino? “She knows the family, she knows Kris, and Kris knows of her. There’s no problem.”

Samantala, excited na si Derek sa dalawang pelikulang gagawin niya sa Regal, una na nga rito ang movie nila ni Marian Rivera at ang pelikulang pagsasamahan naman nila ni Kris.

Sey ni Derek, magkakilala na sila ni Marian pero hindi pa sila nabibigyan ng chance na makapag-bonding nang bonggang-bongga, “The longest conversation that I had with Marian is 10 minutes in New York.”

Ano ang first impression niya sa Kapuso Primetime Queen, “She’s very simple and down-to-earth. And I’d love to work with her.”
“When I meet people like that, I wanna work with them kasi it goes to show what kind of people they are.

Kahit na ang laki ng success na naabot nila, ganyan pa rin sila,” sey pa ng TV5 leading man. “Actually, this has been offered to me na matagal na. Matagal nang pinag-uusapan na gagawa kami ng movie ni Marian.

Twitter fans have also been hoping na magkatrabaho kami.” Sinu-sino pa sa mga talents ng GMA at ABS-CBN ang gusto niyang makasama sa movie? “I wanna work with everyone. I think I have some sort of success in my movies because hindi ako namimili ng gusto kong makatrabaho.”

Tungkol naman sa mga tsismis na nagkaroon din sila ng “something” ni Kris, hindi raw ito totoo, magkaibigan lang daw sila ng Queen of all Media. Sa tanong kung humihingi ba ng payo si Tetay sa kanya about her relationship with Mayor Herbert Bautista, ang sagot ni Derek, “I didn’t advise Kris on Mr. Bautista.”

( Photo credit to derekramsayfanpage )