Bea, KC, Angel vs Vi at Guy sa pagka-best actress

Pormal nang inanunsyo ng Philippine Movie Press Club (PMPC) ang listahan ng mga opisyal na nominado para sa ika-30 Star Awards for Movies.

Sa ikatlong dekada ng pagbibigay ng karangalan sa mga natatanging alagad ng pelikula, ngayong taong ito ay ipagkakaloob ang Dekada Award sa mga sumusunod: Judy Ann Santos, Eugene Domingo at Ai Ai delas Alas; Aga Muhlach, John Lloyd Cruz, Jericho Rosales, Dennis Trillo, Piolo Pascual at Baron Geisler.

Ang Nora Aunor Lifetime Achivement Award ay ibibigay sa veteran actress na si Rustica Carpio. Sina Ricky Lee at Peque Gallaga ang tatanggap ng Ulirang Alagad ng Pelikula sa Likod ng Kamera Lifetime Achievement Award.

Gaganapin ang 30th PMPC Star Awards for Movies sa Marso 9, sa Solaire Resort, 6 p.m. at mapapanood sa ABS-CBN’s Sunday’s Best sa Marso 16. Ito  ay mula sa Airtime Marketing ni Tess Celestino, at sa direksyon ni Al Quinn.

Maglalaban this year sa kategoryang Movie Actress of the Year sina Bea Alonzo (Four Sisters And A Wedding), Nora Aunor (Ang Kuwento Ni Mabuti), Rustica Carpio (Ano Ang Kulay Ng Mga Nakalimutang Pangarap?), KC Concepcion (Boy Golden), Angel Locsin (Four Sisters And A Wedding), Vilma Santos (Ekstra) at Lorna Tolentino (Burgos).

Para sa Movie Actor of the Year, nominado naman sina Dingdong Dantes (Dance Of The Steel Bars), ER Ejercito (Shoot To Kill: Boy Golden), Vice Ganda (Girl Boy Bakla Tomboy), Jake Macapagal (Metro Manila), Robin Padilla (10,000 Hours), Piolo Pascual at Joel Torre (On The Job).

Mag-aagawan naman sa tropeo bilang Movie Supporting Actress of the Year sina Art Acuna (Kabisera), Vince de Jesus (Ekstra), Eddie Garcia (Boy Golden), Spanky Manikan (Bamboo Flowers), Joey Marquez (On The Job), Marlon Rivera (Ekstra), at Joey Paras (Babagwa, The Spider’s Lair).

Sa Supporting Actress, maglalaban-laban sina Angel Aquino (Ang Huling Cha-Cha Ni Anita), Jasmine Curtis (Transit), Bela Padilla (10,000 Hours), Ruby Ruiz (Ekstra), Coney Reyes (Four Sisters And A Wedding), Gloria Sevilla (Boy Golden), Maricel Soriano (Girl Boy Bakla Tomboy).

Nominado para sa Movie of the Year ang “10,000 Hours” (Philippine Film Studios, Viva Films, and N2 Productions), “Dance of the Steel Bars” (Portfolio Films and GMA Films), Four Sisters And A Wedding (Star Cinema), “It Takes A Man And A Woman” (Viva Films and Star Cinema), “On The Job” (Reality Entertainment and Star Cinema), at “Shoot To Kill: Boy Golden” (Scenema Concept  and Viva).

Sino naman sa mga sumusunod na direktor ang tatanghaling Movie Director of the Year: Cesar Apolinario at Marnie Manicad (Dance Of The Steel Bars), Joyce Bernal (10,000 Hours), Cathy Molina (Four Sisters And A Wedding at (It Takes A Man And A Woman), Erik Matti (On The Job) at Chito Roño (Boy Golden).