Jennylyn, Mark isasabong kina Daniel at Kathryn

Grabe, nakakatawa ang paligsahan ng mga network. We felt na hindi nagpatalbog ang Siyete. Kung may female Daniel  lookalike ay meron ding umapir na kamukha raw ni Aljur Abrenica.

Nakita namin sa internet ang sinasabing kamukha raw at female version ni Aljur pero sa totoo lang ay hindi naman.
Actually, kung iyong babae ang sinasabing lookalike ni Aljur ay marami ang disappointed.

Hindi naman kasi talaga kahawig ng actor ang sinasabing lookalike niya.  Hindi katulad ng lookalike ni Daniel na talagang kuhang-kuha ang mukha ng hottest male star today.

Pati ang pag-pose ni Daniel ay talaga namang gayang-gaya ng hitad. Speaking of Daniel, meron na namang bagong soap ang itatapat sa teleserye ng binata kasama si Kathryn Bernardo.

Tama ba ang nasulat na ang soap nina Jennylyn Mercado at Mark Herras ang isasabong ng GMA sa soap nina Daniel at Kathryn?

Teka, pang-ilang soap na ba ang itinapat nila at hindi umubra sa magic ng loveteam nina Daniel at Kathryn? Wala ba silang kadala-dala?

No offense meant, ha, pero we feel na hindi magre-rate ang bagong teleserye nina Mark at Jennylyn. To begin with, they’re no spring chickens at tiyak na tatalunin sila sa rating nina Daniel at Kathryn.

Ano ang ibabatbat nina Mark at Jennylyn sa popularity nina Daniel at Kathryn na palaging trending topic sa social media?
Isa pa, matagal nang napaglipasan ang love team nina Mark at Jennylyn at wala ng kilig sa kanilang tambalan, ‘no!

( Photo credit to E Santiago )