Boy Abunda: Oo, kaya ko ring magtaray kung kailangan!

Tinawagan ng King of Talk na si Boy Abunda ang isang telecommunication company upang linawin kung meron ba silang pinapunta sa kanya para interbyuhin siya.

May lumabas kasing issue na tinarayan daw niya ‘yung nag-interbyu sa kanya  na taga-telecommunication company. Pinakialaman pa raw  niya ang mga tanong sa survey.

“Alam mo capable ako na magtaray, totoo ‘yun.  Nagtataray ako kapag hindi ko gusto ‘yung bibiglain ka na lang at bastos. Posible rin na may mga tanong sa akin na hindi ko gusto, pwede rin akong magtaray.

Pero iniisip ko talaga kung merong lumapit sa akin na nag-survey from a telecommunication company, e,” pahayag ni Kuya Boy. Pero wala raw talagang ipinadala ang nasabing kumpanya para kapanayamin siya.

Just in case ‘di alam ng iba, si Kuya Boy ang presidente ng bagong film outfit ng Queen of All Media, ang Kris Aquino Productions, Inc.

Tinanong namin kay Kuya Boy kung ilang percent ang makukuha niya sa laki ng kinita ng first movie nila na “My Little Bossings.” Hindi pa raw niya alam.

Dedma lang din si Kuya Boy kung bigyan siya o hindi ng  bonus sa laki ng kinita ng movie na umabot sa mahigit P300 million. Parang ‘di naman kailangan ni Kuya Boy kaya biniro na lang namin siya na i-share na lang niya sa amin.

Sasabihin daw niya kay Kris na ibigay na lang sa amin ang bonus niya. Natawa na lang kami sa biro ni Kuya Boy. Anyway, bumalik na nga ng Pinas si Kris last Thursday and for sure may dalawang pares na bagong branded shoes ulit na pasalubong kay Kuya Boy ang Queen of All Media.

Although, may 30 new pairs of branded shoes din naman daw siya na kabibili from his recent trip sa US.

( Photo credit to Google )