Ben&Ben sa mga korap na dapat makulong: The fight is not over yet

SA gitna ng nangyayaring kaguluhan sa bansa, naniniwala sina Paolo at Miguel Benjamin Guico ng Ben&Ben na hindi pa tapos ang laban kontra korapsyon.

Siniguro ng dalawang award-winning OPM artists na ipagpapatuloy pa rin nila ang pakikiisa sa pakikipaglaban ng mga Pilipino upang maparusahan ang lahat ng sangkot sa pagnanakaw sa kaban ng bayan.

Sina Paolo at Miguel, pati na ang ilan pang miyembro ng Ben&Ben ay ilan lamang sa mga matatapang na celebrities na naglalabas ng kanilang saloobin sa mga nangyayaring katiwalaan sa gobyerno.

Sa interview ng “Beyond the Exchange” with Rico Hizon sa ANC, sinabi ni Paolo na dapat talagang may managot, maparusahan at makulong sa malawakang korapsyon sa bansa.

“Filipino people have to speak out. No one has been jailed from among those who should be jailed. And therefore, the fight is not over yet in terms of holding those accountable and demanding for justice,” aniya.  

View this post on Instagram

A post shared by Miguel Benjamin (@miguelbenjamin_)

Sabi naman ni Miguel, “There was a big progress in really coming together to voice out and people really waking up… visible, tangible, measurable progress.”

Pagpapatuloy pa niya, “These problems are probably, if not older, as old as our institutions themselves… it’s more of a marathon than a sprint.”

Sa lahat naman ng mga taong kumukuwestiyon sa kanilang political color (sinuportahan nila noon ang kandidatura sa pagkapangulo ni Leni Robredo), may mensahe para sa kanila sina Paolo at Miguel.

“We cannot please everyone. Stand up for what you believe in while respecting other perspectives,” ani Paolo.

Ipinagdiinan din niya na musika pa rin ang isa sa “most powerful tools for social reflection”, “Nothing is still more powerful than music, it has a very strong unifying power.”