Hanggang ₱10M na: Pag-IBIG, tinaasan ang housing loan

Mas maraming Pilipino ang maaari nang makakuha ng mas malaking pondo para sa kanilang dream home matapos itaas ng Pag-IBIG Fund ang maximum housing loan nito sa ₱10 milyon.

Ayon sa Pag-IBIG, layunin ng hakbang na mabigyan ng pagkakataon ang mas maraming manggagawang Pilipino—lalo na ang mga naghahanap ng bahay o condo sa Metro Manila at iba pang urban areas—na makabili ng sariling bahay sa pamamagitan ng abot-kayang long-term financing.Sinabi ni Department of Human Settlements and Urban Development (DHSUD) Secretary Jose Ramon Aliling na bahagi ito ng layunin ng pamahalaan na gawing mas accessible ang homeownership para sa mga Pilipino mula sa iba’t ibang income groups.Dagdag pa niya, makatutulong din ang mas mataas na loan limit para mabawasan ang mga bakanteng ready-for-occupancy condominium units sa Metro Manila at iba pang lungsod.Samantala, ayon kay Pag-IBIG Fund CEO Marilene Acosta, nananatiling kabilang sa pinakamababang housing loan rates sa merkado ang inaalok ng ahensya. Aniya, maaari pa ring makakuha ang mga kwalipikadong miyembro ng loan na may bayaran na hanggang 30 taon.Binigyang-diin naman ng Pag-IBIG na ang pag-apruba ng loan ay nakadepende pa rin sa kakayahang magbayad ng aplikante, credit evaluation, appraisal ng property, at iba pang umiiral na patakaran ng ahensya.

ADVT.

This article is brought to you by Pag-IBIG Fund