Heart Evangelista ilang oras pumila sa audition para maka-loveteam si John Prats
NAGKAUNGKATAN ng past nina Heart Evangelista at John Prats nang muling magkita sa lifestyle at reality show na “Heart World” sa GMA 7.
Sa nakaraang episode ng programa, nagkuwento ang ex-couple tungkol sa pagsisimula ng kanilang pagkakaibigan na nauwi nga sa pag-iibigan.
Inamin ni Heart na alam niyang hindi siya feel noon ni John na maging ka-loveteam pero talagang minanifest niya na makasama at makatrabaho ang aktor.
Simulang kuwento ni Pratty, “The first time na na-meet kita nasa autograph signing kami. Kasi si Heart, hindi siya part ng G-mik! noong time na yon. So, sabi namin, ‘Sino ba itong maarte na ito?'”
Ang “G-mik” ay ang dating youth-oriented show ng ABS-CBN kung saan unang nagtambal sina Heart at John. Ito rin ang unang show ni Heart sa Kapamilya Network.
Pag-alala naman ni Heart, na unang ni-launch bilang bahagi ng Star Circle Batch 9 noong 2001. Inamin din niya na super crush na raw niya si John noon pa.
View this post on Instagram
“Before that kasi, crush na kita. First crush talaga. And then, ang sama-sama ng loob ko kasi may article sa StarStudio na sinabi mo crush mo si Joyce Jimenez.
“And I found this girl, sa deodorant commercial na pretty. So when they gave me a role sa StarStudio, I acted like a fanatic.
“Tapos napaka-serious niya. Sabi ko, ‘Shocks ang guwapo niya!’ Pero hindi niya talaga ako gusto, ayaw niya sa akin,” rebelasyon ng Kapuso actress at global fashion icon.
Sey naman ni Pratty, “Masaya ako sa aspeto na mag-isa lang ako, wala akong ibang iniisip. Kasi noong time na yon si Camille (Prats, kapatid ni John), Stefano (Mori), at Miko (Samson) love triangle, then Carlo (Aquino) and Angelica (Panganiban).”
“Tapos ang daming pina-try sa akin na loveteam, like Sarah Christophers, and then we had that audition for my loveteam na nagulat ako,” ani John.
Dito na inamin ni Heart na nag-audition siya para maging ka-loveteam ni John, “Pumila ako ng ilang oras nu’n. Talagang pinilahan ko yon ‘coz I really wanted to be your loveteam.
“As in, dying. So, talagang hinope ko, buti na lang pumayag ka,” sey ni Heart kay John.
Reaksyon ni John, “Hindi ako pumayag, parang may nakita sila sa ating dalawa na physically nag-jive. Kasi talaga, nu’ng loveteam namin, wala kaming formula nu’ng time na yon.
“Nag-match yung kanal ko sa sosyal niya. Nag-match yung ganoong dynamics,” saad ni Pratty.
Inamin din ng dating magdyowa na totoong first love nila ang isa’t isa. And that’s another story to tell, mga ka-BANDERA.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.