Cecilia Ongpauco napaiyak nang makita paghihirap ni Heart sa Fashion Week
SA kauna-unahang pagkakataon ay nabigyan ng chance si Heart Evangelista na makasama nang matagal ang inang si Cecilia Ongpauco sa isang out-of-the-country trip.
Nangyari ito sa muling pagrampa ng aktres at global fashion icon sa Paris Fashion Week na inilarawan niyang “very meaningful and emotional experience.”
Sa naganap na mediacon para sa kanyang reality show sa GMA 7 na “Heart World Season 2″ nagkuwento nga si Heart tungkol sa naging experience nilang mag-ina sa naturang international event.
“Actually, because nag-away kami around 21 years old ako, we never really got to travel – really, really travel, ever since.
“We did Japan trips for three days, but to be together for over two weeks, ang saya niyang kasama. And I truly missed having her around,” pagbabahagi ni Heart na super na-miss din ang mga friends niya sa entertainment media.
Inalala ng aktres nang maging emotional ang ina nang masaksihan ang first day shoot niya sa Paris na talaga namang naging super challenging sa kanyang team.
“Hirap na hirap siya kasi, actually, first day pa lang, umiyak siya kasi naiinis siya kasi nauulanan daw ako.
“Tapos medyo negative four (temperature), tapos siyempre kailangan mong umawra sa photographer. So, ‘Why do you have to do that?’ ‘Why do you have to ganiyan?’ Ang dami niyang questions!” natatawang sey pa ni Heart.
View this post on Instagram
Pagpapatuloy pa niya, “We both enjoyed because sa kanya ko naman din natutunan ‘yung kaartehan ko on dressing up and all of that.
“It was her first time to join me in that trip. It’s a working trip. So dati nakikita niya ako sa Subic, nagte-taping.
“Ngayon, nakita niya ako doon, nagko-content creation, attending shows. And she really enjoyed. Pero by 6 p.m., laglag na siya. Sabi niya, ‘Hindi ko na kayang magtakong.’ But she enjoyed. It’s so funny and refreshing to watch,” sey pa ni Hearty.
Nang matanong naman si Mrs. Ongpauco abour her experience in Paris Fashion Week with her daughter, “It was so much fun for me because it’s working. It’s the first time I saw her and her element in Paris.
“And I appreciated all the hard work. The passion — I mean, she was never-ending. I mean, in motion. She was forever in motion.
“She wakes up at 3, 4 a.m. and goes all day long just fixing her outfits, her accessories, content, this and that. Always creative. Made me so proud to watch her in action,” kuwento ng nanay ni Heart na pak na pak din ang OOTD sa presscon ng anak.
Sey pa ng Kapuso star, napakalaking bagay daw na kasama niya ang ina sa pagtatrabaho sa Paris, “Sobra talaga. Whenever I’d feel down, I’d feel like, ‘Kulang ba?’
“Even if I’m really burning myself, kulang ba? Her words are wisdom, like from the books. One day, maybe I’ll do a compilation of lahat ng mga kanyang words of wisdom,” aniya pa.
Reaksyon naman ni Cecilia, “I just didn’t realize how much she puts into her craft. She just loves it and gives it more than her own. Made me so proud.
“I thought pa-cute-cute lang siya. No. It was way different. Kaya naiyak ako. Because I saw her, she was so tired and still, she was still going, going, going. Endless. And for me, that was so beautiful,” saad niya.
Mapapanood sa season 2 ng “Heart World” ang mga pinagdaanan ng mag-ina sa PFW. Ani Heart, “Definitely my mom is gonna give big character vibes. Kasi she was a character that I didn’t expect at all.
“I think may mga pinagdadaanan tayo na at the end of the day, talagang nanay pa rin ang tatawagan at kakailanganin natin. There’s just so much that you didn’t expect that you will see,” sey ni Heart.
Mapapanood na ang “Heart World Season 2″ simula sa March 7 at 9:30 p.m. sa GMA Network, mula sa direksyon ni Rico Gutierrez.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.