P14.4-M Mega Lotto 6/45 jackpot kinubra na ng senior citizen mula Sorsogon
MAKALIPAS ang halos dalawang dekadang pagtaya, naka-jackpot din sa wakas ng milyun-milyong piso ang isang senior citizen sa lotto.
Nagwagi ang solong mananaya mula sa Sorsogon ng P14.4 million sa Mega Lotto 6/45 na binola noong January 2, 2026.
Ayon sa Philippine Charity Sweepstakes Office (PCSO), kinubra na ng lucky winner ang kanyang premyo, na halos dalawang dekada na raw tumataya sa lotto.
Kuwento ng senior citizen sa pagkolekta niya ng kanyang jackpot prize nasa 20 years na rin niyang tinatayaan ang winning combination na 44-21-19-10-18-11.
“The recent win marked a long-awaited breakthrough for the senior citizen, who shared that patience and perseverance defined his journey as a lotto player.
“What began as a simple routine eventually paid off over the years, affirming the belief that persistence can sometimes make all the difference,” ang pahayag ng PCSO.
Sa pakikipagkuwentuhan ng mga taga-PCSO sa nag-iisang naka-jackpot sa naturang lotto draw, gagamitin daw niya ang kanyang premyo sa pagtatayo ng maliit ng negosyo, tulad ng isang sari-sari store.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.