QC ibibida ang ‘hidden gems’, may libreng travel expo sa Aug 16 to 17

SINO ang may sabing kailangan lumayo para magbakasyon?

Dadalhin na kasi mismo ng Quezon City ang “More to Explore” Travel Expo na puno ng travel finds, tours, at foodie stops!

Gaganapin ‘yan sa August 16 to 17 sa QC M.I.C.E. Center, sa loob mismo ng QC Hall Compound.

Ang bonggang ganap na ito ay hatid ng QC government na katuwang ang Quezon City Travel Agencies Association (QCTAA) at Department of Tourism (DOT).

Baka Bet Mo: WATCH, NOW NA: ‘Bahay Modernismo’ bagong heritage house museum sa QC

“Through this Travel Expo, we want travelers and tourists to see Quezon City not just as a jump-off point, but as a destination worth discovering—with its own cultural gems, hidden wonders, and rich history,” sey ni Mayor Joy Belmonte.

Libre at bukas para sa lahat, tampok sa dalawang araw na travel extravaganza ang higit 120 exhibitors mula sa travel at tourism sector, kasama ang mga travel agencies, airlines, hotels, resorts, at ilan pang food at lifestyle brands.

Dahil diyan, siguradong mapapa-“add to cart” ka sa exclusive travel deals, curated destination packages, at mga immersive leisure experiences.

Ang layunin ng travel expo ay buhayin muli ang domestic tourism, bigyan ng lakas at suporta ang local businesses at communities, at itaguyod ang sustainable at heritage-driven experiences.

Para walang dahilan na hindi makapunta, may free rides courtesy of the QCity Bus Libreng Sakay program na may drop-off points malapit sa venue.

Kung gusto ninyo ng “foot-powered” adventure, may free guided walking tours mula QC Tourism Department. 

Kasama sa ruta ang QC Underparadisso, Quezon Heritage House, Bahay Modernismo, at Presidential Car Museum.

At siyempre, may special side trip pa sa Tandang Sora Women’s Museum, kung saan mabubusog kayo sa kasaysayan at kultura ng lungsod.

Sa pamamagitan ng “More to Explore,” muling ipinapakita ng QC na isa itong sentro ng sustainable, inclusive, at experience-rich tourism.