MALAKI pala talaga ang kinalaman ng award-winning singer-songwriter at ex-boyfriend ni Maris Racal na si Rico Blanco sa pelikulang “Sunshine” dahil siya ang musical scorer ng buong pelikula.
Kakasulat lang namin dito sa BANDERA nitong Agosto 2 na “My Sunshine” ang tawag ni Rico kay Maris noong sila pa kaya nga sinulat namin kung may konek ang term of endearment ni Corics sa aktres.
At kung ang huli mismo ang nagbigay ng suhestiyon kay Direk Antoinette Jadaone na ito ang gamiting karakter niya sa pelikula.
Anyway, nag-spill the tea si direk Tonette sa kanyang X account kamakailan na si Rico mismo ang naglapat ng musika sa “Sunshine.”
Post ni direk Tonette sa X, “Rico Blanco’s first time to score a full-length film (clapping fingers emoji).”
May kinalaman ito sa tanong ng netizen na si @GasparLani, “Nobody is talking about Rico Blanco’s musical score. Are Sunshine’s rhythmic gymnastic music original?”
Si Direk Quark Henares ang sumagot, “I can answer this. Original but inspired (gymnast emoji) at saka ipinost ang official music video ng awiting “Elektrobank” by Chemical Brothers tungkol sa babaeng gymnast na nag-champion.
At sinagot ni Rico si direk Quark na nagkausap sila ni direk Tonette tungkol sa pelikula.
Say ni Corics, “Actually more inspired by electronic music in general. hardly used pegs for sunshine. more of convos w @tonetjadaone re characters, intentions, goals. big idea was to add modernity and youth to the story.
“I have deep roots in the genre kraftwerk orbital reznor depeche ultravox etc and tho I love this track, it totally wasn’t on my radar then. this is more 90s Big Beat. thanks Quark.”
Sagot naman ni direk Quark, “Loved the score, brutha, especially when she changed tracks! You could really feel her transformation.”
Nagpasalamat naman ang OPM icon kay direk Quark, “Thank you.”
Malaki ang paghanga ni direk Quark kay Maris at ginawan nga niya ito ng pelikula na ipinalabas noong 2023, ang “Marupok AF.”
Anyway, hindi pa kasi namin napapanood ang “Sunshine” kaya hindi namin alam kung sino ang musical scorer na kadalasan ay binabasa namin sa credits ng movie.
Nakakatuwa si Rico dahil kahit hiwalay na sila ni Maris ay suportado pa rin niya ang dalaga sa kanyang journey, kaya tama ang huli naming sinulat, “bagama’t naka-move on na si Maris sa dating karelasyon ay feeling namin hinding-hindi niya malilimutan si Rico na minsan niyang naging Sunshine sa buhay.”