‘Shrek The Musical’ ibinida ang all-Pinoy lead stars, aarangkada na simula Oct. 31
ILANG buwan na lang, babandera na sa stage ang fictional characters na sina Shrek, Princess Fiona, Donkey, at Lord Farquaad.
Pero this time, mga Pinoy theater stars ang bibida at magbibigay-buhay sa mga nasabing karakter.
Ang hit broadway show na “Shrek The Musical” ay ipapalabas sa Newport Performing Arts Theater simula October 31, 2025.
Baka Bet Mo: Jon Santos ‘boss’ sa Side Show: The Musical, powerhouse cast ibinandera na
Jamie Wilson as Shrek
Si Jamie Wilson ang bibida bilang Shrek, ang sikat na ogre na may mabuting puso.
Para sa mga hindi aware, si Jamie ay 45 years na sa entablado at award-winning din!
Winner siya sa Broadway World Asia para sa “Matilda The Musical,” at may Aliw Award Best Actor trophy pa from “Run For Your Wife.”
Bukod diyan, ang recent role niya ay bilang Arturo Banlaoi ng “Ang Huling El Bimbo” at ang bonus pa, tatampok siya sa upcoming Philippine staging ng “Into the Woods” bilang distant father ni Cinderella at anxious royal steward.
Krystal Kane as Princess Fiona
From child star to fierce princess, ganito ang tila glow-up ni Krystal Kane bilang si Princess Fiona.
Nag-umpisa siya sa “Aspects of Love” at “The Sound of Music” noong 9 years old pa lang siya.
Maliban diyan ay nag-aral pa si Krystal ng musical theater sa New York, tapos balik-Pinas with a vengeance sa mga palabas na “Spring Awakening,” “Tabing Ilog: The Musical,” at “Side Show.”
Topper Fabregas as Donkey
Kung walang Donkey, walang Shrek! At sino pa bang mas swak sa papel kundi si Topper Fabregas, ang certified loyal bestie.
Mula sa “Come From Away” hanggang “Angels in America” hanggang “Ang Huling El Bimbo,” alam mong laging may top-tier delivery si Topper.
Founding member din siya ng Red Turnip Theater, kaya kahit director-mode siya minsan, lagi naman siyang naka-acting hat.
Aba, may Best Supporting Actor award din si Topper mula sa “Sila-Sila” ng Cinema One Originals!
Alfredo ‘Bibo’ Reyes as Lord Farquaad
Ang gaganap naman bilang si Lord Farquaad ay si Alfredo Reyes a.k.a. Bibo.
Bumida na siya sa ilang bigating international productions, katulad ng “In the Heights,” “The Bridges of Madison County,” “Waitress,” at “The Band’s Visit” via Atlantis Theatrical.
Umikot na rin si Bibo sa buong Asia dahil sa shows na “Saturday Night Fever” at “Avenue Q,” at nagpakilig bilang Young Hector sa “Ang Huling El Bimbo.”
Hindi pa riyan natatapos dahil may acting diploma pa siya from Atlantic Acting School sa New York.
Ang “Shrek The Musical” ay hango sa DreamWorks animated film at libro ni William Steig.
Ang tickets sa show ay nagkakahalaga mula P1,500 hanggang P4,500 na mabibili sa TicketWorld, Newport World Resorts Box Office, at Helixpay.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.