Mikee Quintos kinumpirmang break na sila ni Paul Salas: Shocking for me lahat
Paul Salas at Mikee Quintos
CONFIRMED! Naghiwalay na ang Kapuso actress-TV host na si Mikee Quintos at ang boyfriend niyang hunk actor na si Paul Salas.
Mismong si Mikee ang nagbalita sa latest episode ng “Fast Talk with Boy Abunda” ngayong Martes, April 1, na tinapos na nila ni Paul ang ilang taon din nilang relasyon.
Ayon kay Mikee, talagang pinag-isipan muna niyang mabuti kung isasapubliko niya ang tungkol sa breakup nila ng aktor.
“Honestly, before today, pinag-iisipan kong mabuti kung magsasabi na ako sa public. Kung hindi, mahirap ‘to for me,” sabi ni Mikee.
Humingi rin siya ng pasensiya sa mga supporters nila ni Paul na hindi pa niya maise-share ang lahat ng detalye tungkol sa kanilang paghihiwalay. Hindi pa raw kasi siya okay sa ngayon at hindi pa rin handang mag-open up.
View this post on Instagram
“Shocking for me lahat ngayon. Shocking. A month ago na ‘yung nag-start kaming mag-usap about this decision,” sabi pa ni Mikee.
Dugtong pa niyang sabi kay Tito Boy, “And ngayon, nagiging clear sa amin na ito nga ‘yung tama for us. Mutual naman na decision ‘to.”
Pero agad ding nilinaw ni Mikee na walang third-party involved sa breakup nila ni Paul, “Of course, wala pong third party. ‘Yung ‘bakit,’ I think, it’s better if you hear it from him.”
Sey pa ng dalaga, ipinagpapasa-Diyos na lamang niya kung sila pa rin ang pagtatagpuin ng tadhana sa ending at kung mabibigyan pa uli ng second chance ang kanilang love story.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.