Carmina, Zoren, Mavy, Cassy bibida sa teleseryeng ‘Hating Kapatid’ ng GMA
Zoren Legaspi, Carmina Villarroel, Mavy at Cassy Legaspi
NGAYON pa lang ay inaatake na ng nerbiyos si Carmina Villarroel sa bago niyang drama series sa GMA 7 kung saan makakasama niya ang asawa at kambal na anak.
Yes, mga ka-BANDERA! For the very first time ay magkakasama-sama sina Carmina, Zoren Legaspi, Mavy at Cassy Legaspi sa isang teleserye ng Kaouso Network.
Ayon sa GMA Entertainment, ang pamilya Legaspi ang bibida sa upcoming Kapuso drama series na may titulong “Hating Kapatid.”
Makakasama rin sa naturang serye sina Valerie Concepcion, Leandro Baldemor, Glenda Garcia, Mel Kinura, Cheska Fausto at marami pang iba. Wala namang nabanggit sa ulat kung sino ang magdidirek nito.
Base sa report ng GMA, naganap ang story conference para sa “Hating Kapatid” kung saan present nga ang mag-asawang Carmina at Zoren with their twins.
View this post on Instagram
Super thankful si Carmina sa mga bossing ng GMA dahil sa blessing at opportunity na magkasama-sama silang pamilya sa isang bonggang-bonggang project.
“We’re really thankful dahil nakaisip po kayo ng ganitong kagandang proyekto para sa pamilya namin and we appreciate it.
“And super understandable na may kaba. Ako naman in that everything I do, every time na I accept a show, laging namang may kaba and I think that is also good para hindi masyadong complacent,” lahad ni Mina.
Sey naman ni Zoren, kakaiba ang naramdaman niyang tibok ng puso nang malaman ang karakter na gagampanan niya sa “Hating Kapatid.”
“Lahat naman ng project na bago, may kakaibang tibok ng puso mo ‘yan e, whether close sa’yo or kaibigan mo.
“It’s because of ‘yung bagong character na ipo-portray mo, unang-una ‘yun kasi ‘yung magpapatibok ng puso mo, kung paano ka mai-in love doon sa character mo,” ang pahayag ng aktor sa interview ng GMANetwork.
Para naman kay Cassy, “I think it’s going to be very interesting kasi pati ako, I’m not sure how it’s going to go, but I’m excited and I’m very, very grateful.”
Chika ni Mavy, “I’m very excited na makakasama ko ‘yung pamilya ko because they bring out the best in me. So I’m excited to show the best in me sa mga Kapuso viewers natin.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.