Kakai Bautista
“GO lang nang go!” Ang payo ng actress-singer na si Kakai Bautista sa lahat ng tulad niyang single patungkol sa pakikipagrelasyon.
Until now ay wala pa ring dyowa si Kakai at hindi naman daw talaga siya naghahanap ng partner in life, naniniwala siya na hindi pinipilit ang lovelife dahil isa itong destiny.
Pero sabi ng singer-comedienne, wala rin namang masama kung maghanap at mag-explore ang isang tao para magkaroon ng dyowa.
“Kasi nga guys, ang ikli ng buhay naman. Go lang nang go, pero huwag mong kalilimutang maging responsible and mahalin mo rin ang sarili mo,” ang payo ni Kakai sa isang episode ng vodcast na “Your Honor” hosted by Tuesday Vargas and Buboy Villar.
Patuloy na chika ng komedyana, “Nakalilimutan kasi natin, eh. Go lang nang go, hindi ka naman responsable. O ‘di lahat ng nakapaligid sa ‘yo, pisti ka sa buhay nila, pabigat ka, salot ka.
“So dapat go nang go pero responsible,” ang mariin pang sabi ni Kakai.
Sey pa ng dalaga, open din siya sakaling may dumating na foreigner o AFAM sa kanyang buhay – tatanggapin daw niya ito nang bonggang-bongga.
“Kasi dati, ayaw ko pang tsumika sa AFAM. Ngayon gusto ko nang tsumika,” sey ni Kakai.
“Ang sinasabi ko lang lagi sa mga AFAM, if you want to date me or see me, you have to go to the Philippines. Or you have to make a way just to see me. Make a big effort,” saad pa niya.
Kasunod nito, binalikan ng aktres ang isang pangyayari sa Switzerland kung saan may lumapit sa kanyang foreigner at nag-offer ng drink.
“Siyempre nagpanggap akong pakipot. ‘No, I can buy my own drink,’” sey daw niya sa AFAM.
Hindi raw siya sinukuan ng foreigner kaya nagtuluy-tuloy ang kanilang chikahan hanggang sa nagsabi ang guy na gusto nitong bumisita sa Pilipinas.
Pero parang nagsawa na agad sa set-up nila ang foreigner, “Tapos nakita ko na lang hindi na siya nagme-message. Nakita ko nagpakasal na.”
Diretsahan namang inamin ni Kakai na sa lahat ng male celebrities sa Philippine showniz si Piolo Pascual ang pinaka-type niya.
“Ang pinagnanasaan ko forever, Piolo Pascual. Kasi iba talaga ‘yung karisma niya tsaka ‘yung ang bait, ang guwapo,” sey ni Kakai.