Enrique Gil at Nadine Lustre
MGA ka-BANDERA, gusto n’yo bang magsama sa isang teleserye o pelikula sina Enrique Gil at Nadine Lustre?
May mga naglabasan kasing chika na posibleng gumawa sina Enrique at Nadine ng isang acting project anytime soon.
Sa panayam ng media sa actor-producer, looking forward daw siyang makagawa uli ng mga romcom projects pero gusto rin niya ng “something fresh” na pwede niyang ihandog sa kanyang mga loyal fans.
“It’s my core eh but we want to put a twist into it. So definitely I think it’s time also to get back into my groove but of course we will be doing something different para hindi lang siya the same. May twist, so may change,” pahayag ni Enrique sa interview ng press.
Sa tanong kung totoo ba ang mga nabalita na magsasama sila ni Nadine Lustre sa isang bonggang proyekto, “I am not sure about that. I’m not sure. But I’ve heard about that too.”
“I am open to work with anybody, so it’s Nadine, if it’s somebody else, I just wanna work. I’m super excited,” aniya pa.
Nauna rito, ibinalita ni Quen ang multi-picture partnership ng kanyang production company na Slingshot Studios sa MQuest Ventures na pag-aari ni Manny Pangilinan.
“MediaQuest is such a huge company so we were talking to Jane (Jimenez-Basas, MQuest Ventures President and CEO), they wanna go big so alright that’s super exciting for us.
“Now we can really just go big with our concepts and most of our concepts they really love it and like it. At this point, the sky is the limit for what we can pitch and produce so hopefully everything works out.
“But of course, siyempre business pa rin ‘to, hindi pwedeng just go crazy but it’s very good that we can play around a little bit, which is very exciting,” sey pa ng aktor na huling napanood sa Metro Manila Film Festival 2024 entry na “Strange Frequencies: Taiwan Killer Hospital” na isa rin siya sa producer.
Sa isang hiwalaya na interview, sinabi ni Quen na talagang kakaririn na niya ang pagpo-produce.
“Ako, quality talaga more than anything. Creating, having a say on things. Creating stuff. In a way, being an actor, you also create, eh. You create your character, you play like this.
“But to be able to create more than just a character but stories, scenes, collaborate more, create genres na hindi pa nagagawa… I think mas exciting sa akin ‘yun kasi ‘yun talaga ang gusto kong gawin, matagal na,” saad pa ng binata.