Kristel excited na sa wedding nila ng Korean fiancé, ibinandera ang prenup
PHOTO: Instagram/@kristelfulgar
TODO paandar ang dating “Goin’ Bulilit” star na si Kristel Fulgar at ang kanyang Korean fiancé na si Ha Su Hyuk sa kanilang prenup shoot sa South Korea!
Sa Instagram post ng aktres, makikita na game na game ang dalawa sa kanilang matching black blazers at white inner ensembles.
Bukod sa very sweet nilang posing, ramdam na malakas talaga ang kanilang chemistry!
Ang caption diyan ni Kristel, “My palagi [holding back tears, white heart emojis].”
View this post on Instagram
Sa comment section, marami ang todo kilig at narito ang ilan sa mga nabasa namin:
“Sweet sweet naman tong dalwang to mala lion king ang atake!!!!”
“We’re soooo excited for you guys [red heart emoji].”
“Haaay kiliggg ako [holding back tears emoji] sooo happy for you loves!!! [red heart emojis]”
“May we all find a love like this! [red heart emoji]”
Sa pamamagitan naman ng Instagram Stories, tinawag ni Kristel si Su Hyuk bilang “best decision ever made” niya.
PHOTO: Instagram Story/@kristelfulgar
Ibinandera rin ng dalaga sa kanyang YouTube vlog ang behind-the-scenes ng kanilang prenup shoot, pati na rin ang kanilang pagbisita sa isang ring-making shop kung saan mismong sila ang gumawa ng kanilang promise rings.
“[The rings] may look simple but the effort and love we put into making them make them even more meaningful to us,” sey ni Kristel.
Naging emosyonal din ang aktres matapos niyang matanggap ang kanilang wedding invitations.
“Pareho kaming excited, as in super excited. Masaya ‘yung wedding preparation pero parang gusto na lang naming matapos na,” natatawang sabi niya sa vlog.
Matatandaang nanirahan si Kristel sa South Korea para mag-aral at ituloy ang kanyang acting career.
Noong February 2024, ipinakilala niya si Su Hyuk bilang kanyang manliligaw.
Pagdating ng November last year, opisyal na nilang kinumpirma ang kanilang relasyon matapos maging miyembro ng Iglesia ni Cristo ang binata.
At nitong Pebrero lang din, ginulat nila ang kanilang fans sa biglaang announcement ng kanilang engagement!
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.