Veteran actress at ‘Mutya ng Pasig’ star Delia Razon pumanaw na sa edad 94
Delia Razon
SUMAKABILANG-BUHAY na ang beteranang aktres na si Delia Razon kahapon, March 15, 2025. Siya ay 94 years old.
Ibinahagi ng kanyang apong si Carla Abellana ang malungkot na balita sa pamamagitan ng kanyang Instagram account ngayong Linggo, March 16.
Nag-post ang Kapuso actress ng art card kung saan nakalagay ang litrato ng kanyang lola na ang tunay na pangalan ay Lucy May G. Reyes.
Nasa art card din ang petsa ng kapanganakan at kamatayan nito (August 8, 1930 – March 15, 2025). Wala nang iba pang detalyeng ibinahagi si Carla tungkol sa pagpanaw ng kanyang lola.
Isa si Delia Razon sa nga itinuturing na pinakasikat na aktres ng film company na LVN Pictures noong dekada 50. Ang una niyang ginawang pelikula ay ang “Krus na Bituin.”
Ilan sa mga naging leading man niya noon ay sina Rogelio de la Rosa, Manuel Conde, Nestor de Villa, Carlos Salazar, Armando Goyena, at Jaime de la Rosa.
View this post on Instagram
Bumida rin siya sa mga pelikulang “Gitano” (1949), “Mutya ng Pasig” (1950), “Rodrigo de Villa at Digmaan ng Damdamin” (1952), “Señorito” (1953), “Dambanang Putik” (1954), “Lapu-Lapu” (1955), at “Luksang Tagumpay” (1956).
Nakagawa rin siya ng mga teleserye tulad ng “Agila” (1987), “Bigong Sibol” at “Bayang Impasibol” (2001). Napanood din siya sa mga serye ng ABS-CBN tulad ng “Tayong Dalawa” (2009) na pinagbidahan nina Kim Chiu, Gerald Anderson at Jake Cuenca.
Napangasawa ng veteran actress ang negosyanteng si Aurelio Reyes at biniyayaan ng tatlong anak – sina Carl Glenn Reyes, Maria Aurelia Reyes at Rea Reyes.
Si Rea Reyes ang napangasawa ng aktor na si Rey “PJ” Abellana, ang mga magulang ni Carla Abellana.
Sa isang panayam, sinabi ni Delia na hindi niya in-expect na papasukin ni Carla ang showbiz na nagtapos ng Bachelor of Science in Psychology sa De La Salle University.
“She studied well, she graduated (Summa) Cum Laude. I never realized she would enter the movies. Somebody just said, ‘O, yung apo mo (nasa showbiz na).’
“I said, ‘Who?’ ‘Carla!’ (I was like) ‘What?’ I was surprised, but she’s doing well. She’s a very good child, she’s a very good apo. No complaints. I’m happy for her.
“I told her only one thing, secret… ‘Use your eyes.’ Iba ang feelings, iba ang eyes,” sabi pa ni Delia Razon.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.