NAGSALITA na ang Kapuso actor at dancer na si Mark Herras tungkol sa umano’y relasyon nila ng singer-businessman na si Jojo Mendrez.
Mainit pa ring pinag-uusapan ng mga Marites sa social media ang napapabalitang pagkakamabutihan daw nina Mark at Jojo matapos silang maispatang magkasama sa isang hotel casino.
Mas lalo pang pinagpiyestahan ng netizens ang dalawa nang sorpresahin ni Mark si Jojo kamakailan sa mismong presscon ng binansagang “The Revival King.”
Biglang dumating ang aktor sa venue ng mediacon at binigyan ng bulaklak si Jojo habang kinakanta ang bago niyang single na “Nandito Lang Ako” mula sa Star Music.
Baka Bet Mo: Trulalu ba, sulat ni Jojo Mendrez para kay Mark Herras napulot ng waiter?
Sa panayam ng press kay Jojo, muli niyang sinagot ang tanong kung magkarelasyon nga sila ni Mark, “No comment. Kasi kahit sabihin kong hindi, walang ganu’n (relasyon), iba pa rin ang paniniwalaan nila.
“So, saan ako lalagay? Kasi sa social media, ang mga tao ang daling mag-judge. Kung ano yung nakikita nila, yun na yun.
“Hindi ko naman pwedeng i-explain to everyone, ito ang totoo, ito ang ganyan kaya sabi ko huwag na lang akong mag-comment tungkol diyan. Siguro kung makita n’yo siya, sa kanya n’yo na lang tanungin.
“Kasi sa aking side, ang dami ko nang pinagdaanan, family ko affected, tapos mga kaibigan ko tawag nang tawag sa akin. Pag-open ko ng cellphone ko, mukha ko agad ang makikita sa Google, sa Facebook, sa lahat,” ani Jojo.
Sa panayam ni MJ Marfori ng TV5 kay Mark ay nagpaliwanag siya tungkol sa isyu sa kanila ni Jojo, “Baka kasi nakakalimutan nila na I was raised by gay parents so hindi…kumbaga, kung sa kanila parang malaswa, sa akin, hindi siya masamang tingnan kasi pinalaki ako ng gay parents.
“So, magaling at malaki ang respeto ko sa mga kapwa LGBTQ,” esplika ng aktor.
Sa katunayan, nagpapasalamat pa nga si Mark sa mga isyu sa kanya, kabilang na riyan ang pagsasayaw niya sa gay bar.
“Yung mga tao na parang nagpapalaki ng isyu, thank you, ang dami kong trabaho. Yung mga nangba-bash, actually, twenty-one years na ako sa showbiz so wala nang epekto sa akin yon.
“Kumbaga, kung ako mismo, hindi ko na binabasa or hindi ko na pinapanood yung videos or kung anuman.
“Yung asawa ko po yung actually nagbabasa. Sabi ko, ‘Huwag mo nang basahin, huwag ka nang mag-aksaya ng oras actually,” lahad pa niya.
Nakatakdang isilang ng asawa ni Mark na si Nicole Dionesa ang ikalawa nilang anak ngayong June, 2025.