PHOTO: Courtesy of San Juan City Jail Male Dormitory BJMP
PUNONG-PUNO ng pag-ibig ang San Juan City Jail Male Dormitory nitong nagdaang Araw ng mga Puso!
Sa pangunguna ni Warden JCINSP Erico D. Llamasarez, hindi lang ang mga Persons Deprived of Liberty (PDL) ang nakadama ng init ng pagmamahal, kundi pati na rin ang masisipag na kababaihang kawani ng piitan.
Para ipahayag ang pagpapahalaga sa kanilang serbisyo, ang mga kababaihang kawani ng piitan ay binigyan ng pulang rosas ni Warden Llamasarez at JINSP Nelson G. Galang.
Hindi lang ‘yan –isang matamis na awitin ang hinandog ni JO1 Zent Borcelis bilang pagpupugay sa kanilang dedikasyon.
Baka Bet Mo: Yassi Pressman bumisita sa QC Jail Female Dormitory, nag-share ng blessings
PHOTO: Courtesy of San Juan City Jail Male Dormitory BJMP
Bukod diyan, naging espesyal din ang araw para sa mga PDL na nakasama ang kanilang mga mahal sa buhay sa isang hindi malilimutang pagtitipon.
Ang ilang PDL, nag-alay ng mga awitin, na siyang nagbigay-kulay sa selebrasyon.
PHOTO: Courtesy of San Juan City Jail Male Dormitory BJMP
Para kay Warden Llamasarez, ang Araw ng mga Puso ay isang selebrasyon na patunay ng diwa ng pagmamahal, pagkakaisa, pagkakapantay-pantay at pagpapahalaga sa bawat isa.