SUPER happy ang isa sa mga member ng girl group ng BINI na si BINI Colet Vergara matapos makasama sa entablado ang matagal nang iniidolong si TJ Monterde.
Sa kanyang Instagram page ay ibinahagi ng dalaga ang kanyang larawan kasama ang mag-asawang singer na sina TJ at KZ Tandingan na itinuturing niyang “parents”.
Makikita na all smiles si BINI Colet sa kanilang mga larawan kasabay ng kanyang pagbabaliktanaw sa nakaraan sa ibinahagi niyang caption.
“Puhon’ is a bisaya word that means God-willing or Hopefully,” panimula ng BINI member.
Baka Bet Mo: BINI Colet nag-explain sa bansag na ‘Anger’; Grand BINIverse sa iWantTFC
Kasunod nito ay ang pagkukuwento ni Colet na simula noong high school ay pangarap na niyang makita nang personal si TJ.
“I remember nasa 4th year pa ako, may show si Kuya TJ sa Bohol. Kahit na claustrophobic ako guys, sinubukan ko pa rin talagang manood pero wala kasi akong kasama para may makatulong kung ano ang mangyari sa akin dahil nga sa claustrophobic ako. Paglabas ko, nagsusuka na ako Hahahahahaha,” lahad ni BINI Colet.
Dagdag pa niya, hindi raw niya inaasahan na darating ang panahon na matutupad ang kanyang pangarap na makalapit at makausap ang matagal nang iniidolo.
“Hindi ko talaga inakala na mangyayari at darating talaga ang araw na ito. “Puhon” is really a powerful and beautiful word. Puhon, in God’s perfect time mangyayari ang lahat kung ano talaga ang gusto ng puso mo at alam ni Lord na para talaga yun sa ‘yo at mananalig ka na ibibigay Niya yun sa ‘yo,” sey pa ni Colet.
Nagpasalamat pa nga ang dalaga sa kanyang mga parents at binati si TJ sa matagumpay niyang solo concert.
“Thank you so muchhh to may parentsss (inangkin ko na talaga guys haha) @tjmusicmonterde and @kztandingan [heart emoji] Congrats sa successful 3 night concertttt! Super happy akon na yung first gig is kasama ninyo. Waiting for little Aurora hehe!!!” sey pa ni Colet.