Korina Sanchez at Rudy Baldwin
MALALAGAY sa panganib ang buhay ng veteran broadcast journalist at TV host na si Korina Sanchez ngayong 2025, ayon sa psychic na si Rudy Baldwin.
Iyan ang nakitang pangitain ni Rudy Baldwin nang magkaharap sila ng batikang mamamayag sa programa nitong “Rated Korina” kamakailan.
Ayon sa kilalang psychic, nakikita niya si Korina na masasangkot sa isang aksidente na posibleng mangyari sa mga petsang July 26, July 29, August 2, at August 14.
“Ikaw Miss Korina, pagdating ng July saka August lalo na ‘yung July 29 saka 26 saka ‘yung August 2 at 14, ‘yung pagmamaneho mo huwag muna kasi may aksidente ka,” babala ni Rudy sa premyadong TV host at news anchor.
Baka Bet Mo: 2025 Prediction: Kamatayan sa showbiz, banta ng kalikasan, bagong pandemya
Kitang-kita naman ang pag-aalala ni Korina sa prediksyon ni Rudy at nagsabing tatandaan niya ang warning nito. Sinabihan pa niya ang kanyang personal assistant na ilista at tandaan ang mga date na sinabi ni Rudy.
“Hindi muna ako lalabas ng bahay? I-record mo nga ‘yung mga dates,” ang sabi ni Korina sa kanyang PA.
Nauna rito, inihayag din ni Rudy ang kanyang prediksyon tungkol sa isang young actress na umano’y mare-rape ngayong 2025 at ang pagkamatay ng kilalang sexy vlogger dahil sa sakit na cancer.
“Ang pangalan niya, nag-start sa letter M,” ang pahayag ni Rudy patungkol sa young actress na mabibiktima ng panghahalay na kamakailan lang daw ay naging kontrobersyal dahil sa isyu ng “cheating.”
Nakikita rin daw ni Rudy ang pagkamatay ng isang kilalang vlogger na dadapuan ng isang uri ng cancer. Nag-aartista rin daw ang naturang vlogger.
Paglalarawan ng psychic sa sikat na content creator – maganda raw ito at sexy. Foreigner daw ang tatay nito.
Sey pa ni Rudy, nagkaroon na raw noon ng health problems ang vlogger pero nalagpasan niya ito.
“Bigla siyang nag-shut down,” sey ni Rudy hanggang sa nagkaroon na nga raw ng cancer ang katawan nito dahil hindi na nagamot.
At kahit daw maraming pera ang vlogger, hindi na nito maisasalba ang kanyang buhay, “Hanggang doon na lang talaga siya, wala na akong nakikitang kadugtong.”
May mga pangalang binanggit ang mga netizens kung sino ang tinutukoy na young actress at vlogger ng sikat na manghuhula pero warning ng iba, huwag daw paniwalaan si Rudy sa mga prediksyon nito.
Dahil anila, tanging Diyos lamang ang nakakaalam ng mga magaganap sa kinabukasan.