INQUIRER file photo
TAGUMPAY ang Metro Manila Film Festival (MMFF) 2024 matapos ang extended run nito na nagtapos noong January 14.
Naabot kasi ng film fest ang target gross sales na P800 million!
Ang good news ay ibinandera mismo ng Metropolitan Manila Development Authority (MMDA) sa inilabas na official statement.
Ayon kay MMDA Chair at MMFF overall Chairman na si Atty. Don Artes, ang ika-50th anniversary ng MMFF o #MMFF50 ay nagtaas ng antas ng taunang festival pagdating sa kalidad ng mga kalahok, inclusivity, at mga karagdagang proyekto tulad ng pagbuhay sa Student Short Film Festival kasama ang FDCP, edukasyon, promosyon, subsidy para sa block screenings at talkback sessions, pati na ang trophy, awards, parada, at pangkalahatang pamamahala ng mga aktibidad.
Baka Bet Mo: Ogie Diaz nanawagan sa MMFF: Kawawa naman ang mga producer
“The MMFF would like to thank all the stakeholders and the public for making its 50th edition one for the books,” sey ni Artes.
Sa alphabetical order, ang tatlong pinakamalakas sa kita ay ang “And The Breadwinner Is,” “Green Bones,” at “The Kingdom.”
Dagdag niya, “Rest assured that the MMFF will continue all efforts by encouraging our stakeholders, especially the local entertainment industry, to create quality films.”
Binanggit din ni Artes na ang tagumpay ng MMFF ay nakasalalay sa pagtutulungan ng bawat isa sa industriya.
Wika niya sa isang pahayag, “The key to our success is in collaborating, helping and supporting each other instead of fueling divisiveness, coming out with unsubstantiated claims, and sweeping judgments.”
“We did our best to give the public the best edition of the MMFF for its Golden Year. There are lessons to be learned, but we acknowledge the great effort and sacrifice given by the ones who were part of this milestone festival,” patuloy niya.
Aniya pa, “It was a success as it upped the standards from the previous MMFFs, and by saying so, we redefined our indicators beyond box office returns, which is worthy of another study, moving forward.”
Bukod sa nabanggit na tatlong pelikula, ang mga kabilang din sa official entries ay ang “Uninvited,” “Isang Himala,” “Strange Frequencies: Taiwan Killer Hospital,” “Espantaho,” “Hold Me Close,” “My Future You,” at “Topakk.”