SPOTTED na magkasama ang isa sa mga miyembro ng P-pop girl na si BINI Aiah Arceta at ang Kapuso actor na si Jak Roberto.
Base sa Instagram story na in-uoload ng dalaga nitong Biyernes, January 10 ay sumubok ang dalaga na mag-scuba diving bago ito lumipad patungong Egypt.
“That time when I went Scuba diving for the first time and just hours before my flight to Egypt haha,” caption ni Aiah sa Instagram story.
Agad namang umani ng samu’t saring komento mula sa madlang pipol ang naturang IG story ng dalaga.
Baka Bet Mo: Wish ni BINI Aiah kahit sikat na sikat na: Gusto ko pa ring maka-graduate
Ang ilan ay iniintriga na may something sa pagitan ng dalawa lalo na’t nitong nagdaang linggo lang nang aminin ni Barbie Forteza na tuluyan na silang naghiwalay ni Jak matapos ang pitong taong pagsasama.
Samantala, ang mga fans naman ni Aiah ay tila na gamba dahil maaari na namang masangkot ang kanilang iniidolo sa isyu kahit wala naman itong kinalaman.
“Pagkatapos ni Rico at Maloi yan nanaman kayo eh baka nagkasabay lang sa scuba diving,” saad ng isang netizen.
Comment naman ng isa, “o baka issuehin niyo pa si aiah tsaka jak roberto ha, porke’t magkasama sila i issuehin agad e hahahaha paawat naman kayo.”
“Yung story ni @bini_aiah with Jak sa tingin nyo po inupload yun para bigyan nyo ng issue I don’t think so. Get a life bashers. Let them enjoy their pvt life. Wag puro pangengealam sana,” sey naman ng isa.
Matatandaang bago pa ang chikang kumakalat kung may something sa pagitan ni Aiah at Jak ay nauna nang mag-trending sina Maloi at Rico na magkasama sa La Union.
Agad naman itong pinabulaanan ni Maloi at sinabing walang katotohanan ang kumakalat na chika.
Samantala, wala pa namang inilalabas na pahayag si Aiah st Hak ukol sa isyu.
Maaari rin kasing wala namang malisya at nagkataon lang ang pagsasama ng dalawa sa iisang lugar.