NAGBIGAY pahayag ang aktres na si Sue Ramirez patungkol sa mga chika patungkol sa diumano’y relasyon nito sa aktor na si Dominic Roque.
Sa inilabas na TikTok video ng showbiz news reporter na si Rose Fabregas, makikitang hinahabol niya ang nagmamadaling dalaga para usisain ito sa tunay na namamagitan sa kanila ni Dom.
Pinaunlakan naman ni Sue ang showbiz reporter kahit na nagmamadali ito paunta sa isang event.
Nakangiti pa nga ang dalaga nang sagutin ang tanong sa kanya.
Baka Bet Mo: Sue Ramirez may pa-soft launch kay Dominic Roque, magdyowa na?
Kahit halatang nagmamadali sa kaniyang pupuntahang event ay naging maiksi ngunit malaman ang naging sagot ng nakangiti pa ring si Sue.
“Basta I’m happy, we’re enjoying each other’s company, that’s all I can say for now,” malalim na pahayag ng aktres.
Kaya naman hindi maiwasan ng madlang pipol na kiligin at mag-expect na talagang magdyowa na sina Sue at Dominic lalo na at ilang beses ring naispatan ang dalawa na magkasama sa Siargao.
Matatandaang nag-viral ang video ng dalawa na kuha sa isang bar kung saan nahuli silang naghahalikan.
Marami rin ang nakakita sa dalawa na magkasama matapos bumalik ng Siargao si Dominic kung nasaan si Sue matapos ang panonood nito ng premiere night ng “Hello, Love, Again” ng kaibigang si Kathryn Bernardo.
Samantala, ayon naman sa tsika ni Ogie Diaz ay magdyowa na raw ang dalawa base sa sinabi sa kanya ng kanyang reliable source.