MAY posibilidad na magdiwang ng Kapaskuhan ang dating aktres at businesswoman na si Neri Miranda sa Pasay City Jail Female Dormitory.
Ayon sa iilabas na ulat ng ABS-CBN News nitong Biyermes, November 29, naurong ang arraignment o pagbabasa ng sakdal para sa asawa ng Parokya Ni Edgar vocalist na si Chito Miranda sa January 5, 2025 matapos maghain ng motion ang kanilang kampo na ibasura ang mga demanda laban sa kanya.
Matatandaang nahahrap ngayon sa kasong 14 counts of violation sa securities regulation code at syndicated estafa si Neri na hinuli ng pulisya noong nagdaang linggo habang nasa isang convention center.
Sabi naman ng spokesperson ng Bureau of Jail Management and Penology (BJMP) na si JSupt. Jayrex Bustinera, nasa court hearing na sana ang asawa ni Chito nitong Biyernes ngunit pinabalik siya sa female dormitory dahil sa inihaing motion ng kampo ng dating aktres-negosyante.
Baka Bet Mo: Neri Miranda ipinagdarasal ng netizens na makalabas na ng kulungan
Samantala, mayroon namang limang araw ang mg complainant para magbigay komento tungkol sa hiling ni Neri na ibasura ang mga kasong isinampa laban sa kanya.
Bukod pa rito, kinumpirma rin ni Atty. Roberto Labe na may isa pang aktres at ilang politiko ang posibleng madamay sa kaso na nag-endorso rin sa Dermacare, ang ini-endorse ng wais na misis na siyang naging dahilan kung bakit ito nakulong at nahaharap sa hindi magandang sitwasyon sa kasalukuyan.