USAP-USAPAN ngayon ng mga netizens kung opisyal na nga bang magdyowa ang VIVA stars na sina Heaven Peralejo at Marco Gallo.
Nag-post kasi si Marco sa kanyang Instagram ng mga larawan nila ng dalaga kalakip ang pagbati nito para sa kanyang kaarawan.
Sa larawan ay makikitang close na close at sweet na sweet sina Heaven at Marco.
Ngunit ang mas kinakiligan ng mga netizens ay ang caption ni Marco para sa dalaga.
Baka Bet Mo: Heaven umamin na: Mas lalo akong nai-in love kay Marco!
“Happy 25th birthday mahal [heart emoji], can’t be more proud of you,” pagbati ni Marco kay Heaven.
Ang mas nagpalala pa ng kilig ng mga netizens ay ang palitan ng “i love you” ng dalawa.
“i love you. wish you were here,” comment ni Heaven sa post ni Marco.
Sagot naman ng binata, “I love you too.”
Hindi naman napigilan ng madlang pipol lalo na ang mga supporters ang magwala sa kilig dahil sa pagbabandera ng pagmamahalan nina Heaven at Marco sa isa’t isa.
““MAHAL” AHHH SARAP SA EARSSS,” saad ng isang netizen.
Comment naman ng isa, “I still remember wen gallo cried for heaven noong sa dance nila sa pbb ahhh and now they’re in love [emoji] God bless you both.”
“PARANG KELAN LANG ANG 2016. Dami nangyari. Ups and downs. BUT STILL..THE ENDGAME..” sey naman ng isa.
Tila kumpirmasyon na rin ang naturang post ng kung ano man ang tunay na namamagitan sa dalawa.
Matagal na rin kasing inuusisa sina Heaven at Marco kung ano ang real score sa kanila.
Matatandaang nagsimulang ma-link ang dalawa noong 2023 matapos silang magtambal sa pelikulang “The Rain in España”.
Bago pa ito ay nagkasama na sina Heaven at Marco sa Kapamilya reality show na “Pinoy Big Brother” teen edition.