TILA isang makahulugang quote card ang ibinandera ng asawa ni Archie Alemania na si Gee Canlas.
Sa latest Instagram post nito noong Linggo, November 17, nagbahagi ito patungkol sa “truth”.
“The truth doesn’t need defending; it’s speak for itself,” saad ng asawa ni Archie.
Sa caption ay mababasa ang “All will be answered in due time.”
Baka Bet Mo: Archie Alemania lalaban kay Rita Daniela, wala raw ginawang kabastusan
Marami naman sa mga netizens ang nagpaabot ng words of encouragement para sa asawa ni Archie.
“Nakakamiss ung mga post mong kwela miss gee,” saad ng isang netizen.
Comment naman ng isa, “I hope nasa maayos kayong lagay ni Archie. Pakatatag ka, Gee!”
“I respect and understand your feelings,” sey naman ng isa.
Matatandaang nitong Oktubre lang nang sinampahan ng ng kasong “acts of lasciviousness” ng Kapuso star na si Rita Daniela.
Samantala, itinanggi naman ni Archie ang akusasyon laban sa kanya ni Rita nang makapanayam siya ng showbiz columnist na si Cristy Fermin.
Naghain na rin ito ng counter-affidavit laban sa ikinaso sa kanya ng dalaga.