Coco Martin at James Reid
LOOKING forward na pala ang actor-singer at record producer na si James Reid na muling makatrabaho ang Teleserye King na si Coco Martin.
Very soon ay muli ngang mapapanood ang binata sa mga programa ng ABS-CBN at excited na raw siya sa pagbabalik niya sa larangan ng pag-arte.
Isa nga sa mga wish niya para sa kanyang acting comeback ay ang makasama muli si Coco sa harap ng mga camera.
Game na game raw siya sakaling magkaroon ng offer sa kanya na mag-guest siya sa hit primetime series ng award-winning actor and director na “Batang Quiapo.”
Baka Bet Mo: ‘Kissing video’ ni James sa kapwa lalaki viral na, mga kaibigan umalma sa balitang ‘magdyowa’: Fake news yarn!
“I think it is being considered. I can’t confirm. The last time I acted with Coco Martin, I was his brother.
“It went viral. He was mad at me in the scene sabi ‘Bakit English nang English’ and I hope to have a new scene with him. That would be great,” pahayag ni James sa panayam ng media sa naganap na Christmas tree lighting event sa Makati City.
Miss na miss na raw ni James ang umakting sa isang teleserye, “I am very excited to try it again. I missed it. There is a high you get in acting, especially long form. You really get to go into the character and develop it.”
Nilinaw din ni James na never niyang sinabi na ayaw na niyang gumawa ng serye at pelikula, nagkataon lang daw na kinailangan muna niyang mag-focus sa kanyang music career at sa pagiging producer.
“I always planned to go back to acting. I felt it was time. All the signs were pointed, it is time to do it again.
“Showbiz was my whole adult life. I needed a break to find myself. And I am in a good place now,” pagbabahagi pa ni James Reid.