Tom Rodriguez
APAT na buwan na ang anak ng Kapuso actor na si Tom Rodriguez sa kanyang non-showbiz partner na isa palang foreigner. Pinangalanan nila itong Korben.
Sa unang pagkakataon ay inamin ni Tom na meron na nga siyang baby at isa raw ito sa pinagkukunan niya ngayon ng inspirasyon upang mas mapagbuti ang kanyang buhay at showbiz career.
“I have a new source of inspiration, like I said I’m a new dad of a happy, healthy baby boy. He’s four months old and he’s my constant source of inspiration right now,” ang pahayag ni Tom sa panayam ni MJ Marfori ng TV5.
Baka Bet Mo: Kilalang aktor sa pamamalagi sa kanyang manager na ang alam lang ay kumubra ng komisyon
Dagdag ng aktor, “I keep saying before na tumatanda na ‘ko. Bur now after this, I’m not feeling that anymore. I feel younger, more vibrant and happy.”
Palagi rin daw siyang excited kapag umuuwi ng bahay dahil sa kanyang anak. Nagpapalit din siya ng diapers kapag inaalagaan ang baby.
Tumanggi naman si Tom na pangalanan ang nanay ng kanyang panganay, “Sa akin na lang muna yun but the mom is the same person that I have been for the past two years.
Wala raw konek sa showbiz ang karelasyon ni Tom at isa rin daw itong foreigner.
Hindi rin daw alam ng girl na isa siyang artista sa Pilinas at nalaman lang daw nito ang kanyang profession nang makita nito ang kanyang social media.
Naging kontrobersyal ang paghihiwalay noon nina Tom at Carla Abellana dahil ilang buwan pa lamang silang nagsasama bilang mag-asawa ay nagkanya-kanya na sila uli ng landas.
Maraming lumabas na dahil ng kanilang breakup kabilang na umano ang naging problema nila sa pera.