Enrique Gil, Jane de Leon at ang iba pang cast ng ‘Strange Frequencies’
MARAMI na rin ang abangers sa Metro Manila Film Festival 2024 entry na “Strange Frequencies: Taiwan Killer Hospital” na pinagbibidahan nina Enrique Gil, Jane de Leon at Alexa Miro.
Ang naturang pelikula ay base sa South Korean box-office hit film na “Gonjiam: Haunted Asylum” na idinirek ni Jung Bum-shik.
Ito’y batay sa isang actual psychiatric hospital na matatagpuan sa Gwangju-si, at pinagbidahan nina Wi Ha-joon (Squid Game), Park Ji-hyun (The Divine Fury), Oh Ah-yeon (Mr. Sunshine), Moon Ye-won (Legal). High), Park Sung-hoon (The Glory, Queen of Tears), Yoo Je-yoon (Extreme Job), at Lee Seung-wook (Joseon Fist).
Baka Bet Mo: Pagsusuot ng sexy OOTD ni Gabbi aprub kay Khalil; laging hati sa pagbabayad ng bill kapag nagde-date
Ang “Gonjiam: Haunted Asylum” ay isang commercial hit sa South Korea na kumita ng mahigit 2.6 milyong mga manonood at $21 million sa box-office, na naging pangalawang pinakamalaking gross para sa isang Korean horror film noong 2018.
At para sa 50th edition ng MMFF, mapapanood na nga ang Pinoy version nito mula sa direksyon ni Kerwin Go produced by the “Master of Horror” na si Erik Matti kasama ang beteranong filmmaker na si Dondon Monteverde at katuwang ang aktor na si Enrique Gil.
Ang local adaptation na ito ay magtatampok sa grupo ng mga batang aktor mula sa Pilipinas habang sila ay naghahangad na mag-explore at gumawa ng pelikula sa isa sa sa mga pinagmumultuhan na lugar sa Taiwan, Xinglin Hospital.
Kamakailan ay inilabas na ng Reality MM Studios ang unang clip ng kanilang MMFF 2024 entry at in fairness, ang lakas ng impact nito sa lahat ng mga nakapanood.
Bukod kina Enrique, Jane at Alexa, makakasama rin sa pelikula sina Rob Gomez, MJ Lastimosa, ang tarot reader na si Raf Pineda at ang content creator na si Ryan “Zarckaroo” Azurin.
Si Zarckaroo ay isang local video creator na kilala sa pagkuha ng actual na footage sa ilan sa mga pinaka-pinagmumultuhan na lugar at kakaibang lugar sa rehiyon.
His YouTube account is followed by some 1.6 million subscribers while his Facebook page has 1.9 million followers.
Kasunod ng format ng Korean original, tutuklasin ng grupo ng Filipino amateur ghosthunters ang kilalang-kilalang Xinglin Hospital, isang abandonadong gusali na matatagpuan sa West Central District ng Taiwan.
Ang asylum ay itinuturing ng mga lokal bilang isa sa mga pinaka-pinagmumultuhan na lugar sa Taiwan dahil sa paulit-ulit nitong paranormal activities.
Tinaguriang pinakaunang meta found footage horror film, inaabangan na ng mga manonood at mga kritiko ang reimagined style of filming technique.
“It’s something different, something very raw. Parang found footage style. I don’t think it’s ever been done in Philippine cinema ever,” sabi ni Enrique.
Sey naman ni Jane, “I love scary films. Napaka-authentic ng magiging reactions namin. Hindi siya acting-acting.”
Muling nagsanib-pwersa sa “Strange Frequencies: Taiwan Killer Hospital” bilang producers sina Erik Matti at Dondon Monteverde na siya ring nasa likod ng “On the Job” (2013), “Honor Thy Father” (2015), “Seklusyon” (2016), “BuyBust” (2018), at “Kuwaresma” (2019).