Claudine Barretto, Rita Daniela
Trigger warning: mentions of sexual abuse, harassment.
NAGPAKITA ng suporta si Claudine Barretto para kay Rita Daniela na nagsampa ng kasong acts of lasciviousness laban kay Archie Alemania.
Sa Instagram, ibinandera ni Claudine ang ilang screenshots ng naging video call niya kay Rita.
Makikita pa nga sa pictures na pareho silang emosyonal at umiiyak.
Ayon sa batikang aktres, si Rita ang isa sa biggest supporters niya kaya lalo niya itong kailangang protektahan.
“I went out of my way to be there for Rita. Why am I in the middle of a crossfire? Because I believe and will protect her,” sey sa bahagi ng kanyang caption.
Baka Bet Mo: Archie ‘ibinenta’ ang asawa sa live selling: I-mine n’yo na! Napakamabunganga nito!
Mensahe niya kay Archie, “To her perpetrator, ako harapin mo! Apologize before it’s too late, boy.”
Dagdag pa ng batikang aktres, “If you broke someone, please have the heart to genuinely apologize. It won’t make you less of a man to admit. Choosing to be responsible & owning up to your actions and mistakes will be good for your soul. What you have done is beyond just trauma.”
Wika rin niya, “The damage has been done. Makikipaglaban ka daw sa korte to clear your image and name. I respect you doing this for your family. It’s easier to own up and apologize. You have family. I am willing to listen. Not my business but I have daughters.”
Nakiusap din ang 45-year-old actress na huwag sisihin ang biktima sa nangyari.
“Nakikiusap at nagmamakaawa ako, please let us not victim blame here. Let’s please show her our compassion and love,” sey ni Claudine.
Patuloy niya, “I have nothing against the perpetrator and am willing to mediate if Rita wants.”
Kasunod niyan ay ibinunyag ni Claudine na naging biktima rin siya ng sexual harassment noon.
Lahad sa post, “I will always protect anyone who is going through this for I, myself, was a victim years ago!”
“Rita, you are strong & loved. God hears you. I am here for you!!!” ani pa niya kay Rita.
Magugunita noong October 31 nang magsampa ng reklamo si Rita sa Office of the City Prosecutor ng Bacoor City dahil sa umano’y pambabastos sa kanya ni Archie matapos halikan at hawakan na walang paalam.
Ang insidenteng ito ay matapos mag-attend sa pa-thanksgiving party ng co-star nila sa “Widows’ War” na si Bea Alonzo na ginanap sa Quezon City noong September 8.
Samantala, nauna nang dinamayan ni Claudine sina Sandro Muhlach at Gerald Santos na mga biktima rin ng sexual abuse.