PHOTO: Courtesy of Columbia Pictures
BUKOD sa katatakutan, swak ring pang-movie marathon ngayong Halloween Season ang bagong pelikula ng “Venom.”
Ito ang huling franchise ng thriller action movie na “Venom: The Last Dance” na pinagbibidahan ng English actor na si Tom Hardy at kasalukuyang umaarangkada na sa mga lokal na sinehan.
Napanood ng BANDERA ang advance screening ng pelikula at nasaksihan namin na mas puno ang aksyon at bakbakan nito.
Bukod kasi sa bagong matinding kalaban, ipinakita rin ang ilang mga bagong karakter na kakampi rin mismo ni Venom.
Nakadagdag din sa ganda ng pelikula ang ilang eksena na may halong comedy.
Baka Bet Mo: ‘Joker’, ‘Superman’, ‘Venom’, ‘Smile’ mga nagbabalik big screen ngayong Oktubre
Ayon sa Columbia Pictures, nanguna sa opening day ng ating bansa ang bagong movie ng “Venom.”
Bilang kabuuan, ito ay umani ng $175 million o higit P10.1 billion sa pagbubukas ng pelikula sa buong mundo.
Bukod kay Tom, tampok din sa “Venom: The Last Dance” sina Chiwetel Ejiofor, Juno Temple, Rhys Ifans, Peggy Lu, Alanna Ubach at Stephen Graham.
Mula ito sa direksyon ni Kelly Marcel na based sa screenplay na kanyang isinulat.
Kung napanood niyo na ang mga unang pelikula ng nasabing franchise, Si “Venom” ay isang alien symbiote na sumanib o humawak sa katawan ni Eddie.
Sa una ay hindi sila magkasundo bilang magkaiba ang kanilang prinsipyo sa buhay, pero bandang huli ay naging isang malakas na duo na sila.
Ang unang pelikula ay ipinalabas noong 2018 na may titulong “Venom” at ang part two ay noong 2021 na may pamagat na “Venom: Let There Be Carnage.”