PHOTO: Facebook/Dost_pagasa
MATAPOS mag-landfall sa bayan ng Divilacan sa Isabela kaninang madaling araw, hinahagupit naman ng bagyong Kristine ang Cordillera Administrative Region.
Ito ay ayon sa 8 a.m. update ng Philippine Atmospheric, Geophysical and Astronomical Services Administration (PAGASA) ngayong araw, October 24.
Ang bagyo ay huling namataan sa vicinity ng Aguinaldo, Ifugao.
Taglay nito ang lakas na hanging 95 kilometers per hour malapit sa gitna at bugsong aabot sa 160 kilometers per hour.
Ang kilos nito ay may bilis na 20 kilometers per hour at binabadya ang kanluran.
Baka Bet Mo: Ahtisa ginagamit sa fake donation drive para sa mga biktima ni Kristine
“KRISTINE is forecast to cross Northern Luzon over the next 12 hours and may emerge over the waters west of Ilocos Region this afternoon,” saad sa weather bulletin ng PAGASA.
Wika pa, “KRISTINE will then move west northwestward over the West Philippine Sea and exit the Philippine Area of Responsibility (PAR) region tomorrow (25 October) afternoon.”
Maraming lugar sa Luzon ang itinaas sa Tropical Cyclone Wind Signal No. 3: Southern portion ng Cagayan (Peñablanca, Tuguegarao City, Enrile, Solana, Iguig, Tuao), Isabela, Quirino, Nueva Vizcaya, Kalinga, Mountain Province, Ifugao, southern portion ng Abra (Malibcong, Licuan-Baay, Sallapadan, Daguioman, Bucloc, Boliney, Tubo, Luba, Manabo, Bucay, Villaviciosa, Pilar, San Isidro, Peñarrubia), Benguet, northern at central portion ng Aurora (Dilasag, Casiguran, Dinalungan, Dipaculao, Maria Aurora, Baler), northern portion ng Nueva Ecija (Carranglan, Lupao, San Jose City, Pantabangan, Guimba, Santo Domingo, Talavera, Llanera, Rizal, Bongabon, Talugtug, Science City of Muñoz, Cuyapo, Nampicuan), northern portion ng Tarlac (Mayantoc, San Clemente, Camiling, Santa Ignacia, Gerona, Paniqui, Moncada, San Manuel, Anao, Ramos, Pura, Victoria), northern portion ng Zambales (Candelaria, Santa Cruz, Masinloc), Pangasinan, La Union, at central and southern portion ng Ilocos Sur (Cervantes, Quirino, Sigay, Suyo, Alilem, Sugpon, Tagudin, Santa Cruz, Salcedo, Gregorio del Pilar, San Emilio, Lidlidda, Burgos, San Esteban, Santiago, Banayoyo, Galimuyod, City of Candon, Santa Lucia, Nagbukel, Santa Maria, Narvacan).
Heto naman ang mga nasa listahan ng Signal No. 2: Ilocos Norte, nalalabing bahagi ng Ilocos Sur, Apayao, natitirang bahagi ng Abra, the rest of Cagayan kasama ang isla ng Babuyan, ang nalalabing lugar sa Aurora, ang natitirang bahagi ng Nueva Ecija, Bulacan, the rest of Tarlac, Pampanga, nalalabing bahagi ng Zambales, Bataan, Metro Manila, Cavite, Laguna, Rizal, Batangas, northern at central portion ng Quezon (Lucena City, Pagbilao, Infanta, Tiaong, San Antonio, Candelaria, Lucban, Sampaloc, Sariaya, City of Tayabas, Mauban, Dolores, General Nakar, Real) kabilang na ang mga isla ng Polillo at Lubang.
Narito naman ang mga lugar sa Luzon na naka-Signal No. 1: Batanes, the rest of Quezon, the rest of Occidental Mindoro, Oriental Mindoro, Marinduque, Romblon, northern portion ng mainland Palawan (El Nido, Taytay, Araceli, San Vicente, Dumaran, Roxas) kasama ang Calamian Islands and Cuyo Islands, Camarines Norte, Camarines Sur, Catanduanes, Albay, Sorsogon, at Masbate including Ticao and Burias Islands.
Signal No. 1 din ang ilang lugar sa Visayas: Aklan, Capiz, Antique kasama na ang Caluya Islands, Iloilo, Bantayan Islands, Northern Samar, northern portion ng Samar (Calbayog City, Santo Nino, Almagro, Tagapul-An, San Jorge, Matuguinao, Jiabong, Pagsanghan, City of Catbalogan, Gandara, Motiong, San Jose de Buan, Santa Margarita, Tarangnan, Daram, Zumarraga), Biliran, northern portion ng Eastern Samar (Maslog, Jipapad, Arteche, Oras, San Policarpo), at northwestern portion ng Leyte (Calubian, San Isidro).