Heart no. 1 sa ‘top celebrity’ list ng Paris Fashion Week, Pia pangatlo
PHOTO: Instagram/@iamhearte
IBINANDERA na ang listahan para sa “top celebrities” ng nagdaang Paris Fashion Week.
At ang nangunguna diyan ay walang iba kundi ang fashion icon na si Heart Evangelista!
Base sa data ng Launchmetrics na iniulat ng fashion industry journal na Women’s Wear Daily (WWD), umani si Heart ng $10.6 million o mahigit P609 million na media impact value (MIV) matapos daluhan ang ilang high value shows kabilang na ang Louis Vuitton, Dior, Balmain, Elie Saab, Schiaparelli, at marami pang iba.
Ang nakakatuwang balita na ‘yan ay proud na shinare rin mismo ng actress-model sa kanyang Instagram Story.
Baka Bet Mo: Heart ‘pass’ muna sa Victoria’s Secret fashion show: ‘I must stay home’
PHOTO: Instagram Story/@iamhearte
Ang pangalawa sa “top celebrities” list ng 9-day event ay ang Thai actor-model na si Nattawin Wattanagitiphat na may $10.2 million o mahigit P586 million in MIV.
Habang si Miss Universe 2015 Pia Wurtzbach naman ang third place na nakakuha ng $7 million o mahigit P402 million MIV.
Magugunitang naunang kinilala si Heart bilang isa sa Top 10 influencers ng Paris Fashion Week, based sa influencer marketing platform na Lefty.
Samantala, may “realizations” ang fashion icon pagdating sa rankings na kanyang naabot recently at ito ay ibinandera niya rin mismo sa kanyang IG Story.
“Numbers, ratings, likes will always change [happy face emoji] it should never determine your worth,” sey niya.
Pero paglilinaw niya, “If by chance you make it – be thankful to those who blessed you with love.”
Patuloy niya, “Be kind (sometimes it’s the hardest thing to do) but KINDNESS WILL always WIN.”
Dagdag pa niya, “It’s not how fast you get there, it’s all part of the story [happy face emoji] the show of your life is NOT gonna end with 1 season after all [red heart emoji] there has got to be more! [happy face emoji]”
“So don’t rush! You’re on your own path [happy face emoji] take your time it’s not a rat race [white heart emoji,” mensahe pa niya.
PHOTO: Instagram Story/@iamhearte
Kamakailan lang, inanunsyo ng GMA na magkakaroon na ng sariling reality show ang misis ni Senate President Chiz Escudero simula ngayong Oktubre.
Pinamagatan itong “Heart World” na kung saan ay ipapasilip ang ilang “unseen moments” niya pagdating sa fashion world.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.