PINASALAMATAN ng batikang aktres na si Claudine Barretto ang kanyang baby brother na si Boy2 Quizon sa ginawa nitong pagdamay sa kanya.
Inamin ng aktres na nahaharap siya ngayon sa matinding lungkot at depresyon.
“its okay to Cry to rest.Pray for Help & Strength. Psalms 46:10 NIV ‘Be still, and Know that I am God,'” saad ni Claudine.
Nabanggit rin niya sa naturang post sina Boy2 Quizon, Nova Villa, at iba pang mga kasamahan niya sa “Home Along Da Riles”.
Baka Bet Mo: Claudine Barretto sinisi ang sarili sa pagkamatay ni Rico Yan
Nag-post rin si Claudine ng video kung saan makikitang nakahiga sila at magkayakap ni Boy2.
“These past few weeks was so dark for me especially yesterday was my Dad’s 5th death anniversary. i sat for hours Crying and not knowing who to call.
“Blood isn’t thicker than water. in 4days mga 3 to 4hours a day lang tulog ko.my amazing Doctor @dra.babesmanalo gave me some sleeping pills so i could sleep,” pagbabahagi ni Claudine.
Hanggang sa dumating raw ang kanyang “baby brother” na si Boy2.
“until my Baby Brother @boy2quizon_ for i don’t know what reason felt the need to visit me mag ki kiss lang daw sya if tulog ako.
“Kahit sinabi na ni Ate @marisol0125 nya wag muna visitors para maka rest ako pero sympre pag pamilya wala magawa si Ate Sol nya,” dagdag pa ni Claudine.
Labis ang pasasalamat ng aktres sa ipinakitang pagmamalasakit at suporta ni Boy2 sa kanya.