‘Uninvited’ nina Aga, Nadine at Vilma ihahabol sa MMFF 2024
Bryan Dy, Vilma Santos, Nadine Lustre at Aga Muhlach
SA nakaraang launching ng Metro Manila Film Festival Mural sa MMDA Building sa Orense, EDSA at “MMFF Sine Sigla sa Singkwenta” ay present si Bryan Dy presidente at CEO ng Mentorque Productions.
May mga nagtanong kung bakit naroon ang movie producer gayung wala namang ibang producer sa event kaya inusisa namin siya kung ano ang partisipasyon niya sa launch ng dalawang projects ng MMFF.
Aniya, tutulong siya sa MMDA/MMFF na mabigyan ng tulong ang movie workers kasama na ang entertainment media dahil karamihan sa kanila ay hindi regular ang trabaho at umaasa lang kapag may projects.
Maganda ang layunin ni Bryan dito at nabanggit ding gaganapin ang event sa PhilSports Arena na dating Ultra sa Pasig at may mga sangay ng gobyerno ang dadalo roon para tumulong din sa mga gustong mag-apply ng government IDs at iba pang kailangan.
Baka Bet Mo: Bryan Dy mas na-inspire mag-produce dahil sa parangal ng The EDDYS
Habang kausap namin si Bryan ay inanunsyo ni MMDA/MMFF Chairman Don Artes ang last day ng submission ng finished film para sa 2024 MMFF sa December at ia-announce naman ang napiling limang pelikula na bubuo sa 10 films sa Oktubre 15.
Tanong namin kay Bryan kung may entry ba ang Mentorque dahil nga wala itong ingay at wala ring nasulat kahit na may balitang nagsu-shoot na si Ms. Vilma Santos-Recto para sa pelikulang “Uninvited” kasama sina Aga Muhlach at Nadine Lustre base na rin sa ipinost ng Project 8 Projects ng casting list.
View this post on Instagram
“Meron tayo, ‘yung kay ate Vi, Uninvited di ba?” kaswal niyang sagot.
Dagdag pa, “Hindi lang natuloy ‘yung presscon (para sa announcement).”
Balik-tanong namin kung aabot sa 50th MMFF, “Oo, nagsu-shoot na abangan mo,” nakangiting sagot ulit sa amin.
Mukhang aabot naman dahil araw-araw na ang shooting nila at kasabay na rin ang pag-eedit na binabantayan ni Bryan.
Caption ni Bryan sa casting list, “When THE Vilma Santos-Recto stumble into her dream project. I am very honored to have the opportunity to form the dream team (praying hands emoji).”
Ang “Uninvited” ay mula sa direksyon ni Dan Villegas produced ng Mentorque Producions at line-produced ng Project 8 Projects.
Kasama rin sa cast sina Tirso Cruz III, Lotlot De Leon, Mylene Dizon, Gabby Padilla, Gio Alvarez, Cholo Barretto, Ketchup Eusebio, Elijah Canlas, Ron Angeles, at RK Bagatsing.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.