DJ Loonyo engaged na sa GF na si Amari: ‘Yes to a lifetime!’
PHOTO: Facebook/Amari
IKAKASAL na ang dancer-choreographer at TikToker na si Rhemuel Lunio o mas kilala bilang DJ Loonyo.
Nag-propose na kasi siya sa kanyang non-showbiz girlfriend na si Faye Protacio o kilala sa palayaw na Amari.
Ang masayang balita ay ibinandera mismo ng couple sa kani-kanilang social media pages.
Sa Facebook ni Amari, makikita ang ilang nakakakilig na pictures ng nangyaring engagement sa Australia.
Baka Bet Mo: DJ Loonyo ingat na ingat na sa socmed: ‘Yung nakita ng tao dati is careless, irresponsible na Loonyo…
“Yes to a lifetime [holding back tears, white heart emojis] I love you mahal! [ring emoji],” caption ng partner ni DJ Loonyo.
Kalakip niyan ang date kung kailan nag-propose sa kanya ang boyfriend na ngayon ay fiance na niya, “8.28.2024”
Sa comment section, makikitang nag-reply sa kanya ang TikToker at sinabing, “I love you mahal [red heart emoji].”
Kasunod niyan ay shinare din mismo ni DJ Loonyo ang post ng kanyang soon-to-be wife at proud na caption niya, “She said YES [ring, red heart emojis].”
PHOTO: Screengrab from Facebook/DJ Loonyo
Taong 2021 nang ibinunyag ni DJ Loonyo ang nagpapasaya sa kanyang puso at ipinakilala sa publiko si Amari.
Magugunitang bago si Amari, naunang na-link sa sikat na choreographer ang aktres na si Ivana Alawi.
Kung matatandaan, sumikat si DJ Loonyo nang mag-viral sa TikTok ang dance cover niya sa kantang “Fight Song” na inihandog para sa frontliners noong kasagsagan ng COVID-19 pandemic.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.