PHOTO: Instagram/@msderossi
IBANG level at pang-world class ang veteran actress na si Alessandra de Rossi!
Dahil ang kanyang talento sa pag-arte ay nabigyan ng pansin sa Italy kung saan tumanggap siya ng award recently.
Ayon sa city hall ng bayan ng Martano, ito ay dahil sa kanyang “excellent professional results achieved at an international level in the cinematographic world.”
Sa Instagram, proud na ibinandera ng award-winning actress ang ilang pictures ng pagtanggap niya ng “plaque of recognition” mula sa Italian officials.
Baka Bet Mo: Alessandra de Rossi kay Empoy: Pasensya ka na, hindi kita mahal
Makikita na kasama niya sa special event ang kanyang Italian father na si Luigi Schiavone at ang kapatid na aktres na si Assunta.
Caption niya, “Thank you, @comunemartano, for the recognition. See you next time. Thanks for everything.”
Ilan lamang sa mga nagpaabot ng “congratulatory” messages sa award-winning actress ay sina Sandy Andolong, Eugene Domingo, Dolly de Leon, Donita Rose, at marami pang iba.
“Congratulations, kung ano pa man ibig sabihin. Basta, you deserve it!!!” sey ni Sandy.
Komento naman ni Eugene, “CONGRATULAZIONI!!! [red heart emoji] eto naaa”
Kung matatandaan, nag-umpisang sumikat at makilala si Alessandra nang gumanap siyang “Valentina” sa TV series na “Darna” noong 2005 kung saan bida ang aktres na si Angel Locsin.
Taong 2017 nang bumida naman siya sa blockbuster romantic comedy movie na “Kita Kita” katambal si Empoy.
Maaalalang naging “highest-grossing Filipino independent film of all time” ang pelikula na kumita ng halos P300 million sa takilya.
Pagkatapos niyan ay sunod-sunod na ang naging proyekto niya, kabilang na ang “Firefly,” “Replacing Chef Chico,” “Walang KaParis,” at marami pang iba.