Melissa bagong ‘fitspiration’ ng netizens: ‘It takes a lot of discipline!’
PHOTO: Instagram/@mellyricks09
MARAMING fans at kapwa-artista ang bumilib at na-inspire sa fitness journey ng celebrity mom na si Melissa Ricks.
Paano ba naman kasi, sa loob lamang ng dalawang buwan ay nabawasan siya ng 21 lbs!
Sa Instagram, proud na ibinandera ni Melissa ang kanyang before and after photos na ipinapakita kung gaano siya pumayat at sumexy.
Ayon sa kanya, hindi niya ito magagawa kung hindi dahil sa kanyang doktor na gumagabay sa kanya.
“Sabi nga ni Doc, ‘Long way to go,’ but it’s reachable…This is for me, for my kids and for my well being,” caption niya sa IG.
Baka Bet Mo: Melissa Ricks nawalan ng mga trabaho dahil sa sobrang taba
Patuloy niya, “It takes a lot of discipline and guidance, (wag matigas ulo) kailangan you have your mind made up na kaya mo.. at KAYA mo naman talaga!”
Nabanggit din niya na 100 lbs lamang ang kanyang timbang nang magsimula sa showbiz noong nasa edad 14 siya at ang pag-abot nito ay hindi na realistic, kaya nag-decide sila ng doktor na mag-set ng mas “possible and doable goal.”
“Watch us do it [winking face emoji],” sey pa niya at binanggit na 31 lbs na ang nawala sa kanya na kung saan ay 21 lbs ang nabawas sa loob lamang ng halos walong linggo.
View this post on Instagram
Sa comment section, mababasa ang mga papuri ng maraming netizens at kahit ilang celebrities ay bumilib sa latest update ni Melissa.
Kabilang diyan ang kapwa-celebrity moms na sina Michelle Madrigal, Aubrey Miles at Yasmien Kurdi.
Narito naman ang iba pang nabasa namin mula sa madlang pipol:
“Yaaaayy, I’m so inspired! Plus size mommy here and it’s sooo hard to shed some pounds.”
“Yayyy!! kakaproud naman po ang galing!!! [red heart emojis] Sexy na po agad [red heart, fire emojis].”
“Wow, ‘yung discipline and effort super admirable [smiling face with heart eyes, red heart emojis] way to go mommy!!! [red heart emojis]”
“Waaaaah!!! Good job!! Very inspiring!! Nakaka-motivate!! [smiling face with heart eyes, red heart emojis]”
Si Melissa ay may dalawang anak na sina Kiara at Mikaela.
Si Kiara ay anak niya sa dating partner na si Charles Togezaki, habang si Mikaela ay anak niya sa non-showbiz husband na si Michael Macatangay.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.