Ginawa ng male fan kay BINI Aiah maituturing na sexual harassment
BINI Maloi, Lauren Dyogi at BINI Aiah
SUMANG-AYON sa panawagan ng Star Magic head na si Lauren Dyogi ang karamihan sa mga loyal supporters ng all-female group na BINI.
Umapela ang ABS-CBN executive sa publiko, partikular sa ilang fans ng grupong BINI na sana’y irespeto naman ang “personal space and privacy” ng mga miyembro ng grupo.
Ito’y matapos makaranas ng mga nakakabahalang pangyayari ang ilan sa mga BINI members habang kasama ang kanilang pamilya sa mga public place.
Baka Bet Mo: ‘Philippine Space Week’ ipagdiriwang na sa bansa tuwing August 8 hanggang 14
Sa pamamagitan ng isang video, nanawagan nga si Direk Lauren sa madlang pipol para sa seguridad at kaligtasan ng mga miyembro ng BINI kapag nasa labas sila ng kanilang mga tahanan at nagpapahinga mula sa pagtatrabaho.
“After that three successful nights sa concert nakapagpahinga ang ating mga BINI. They were able to have their personal time.
“They were able to rest and go home, kaya lang yesterday, these past few days, ako personally I was able to see some very disturbing videos.
“Some of our members who didn’t seem to enjoy their break from the very stressful three-night concert. They went to a public place because they wanted to unwind and to spend some time with their families but unfortunately naka-experience po sila ng hindi magaganda,” pahayag ni Direk Lauren.
“For Maloi, she went to a place where she was supposed to have dinner with her family pero hindi na niya po na-enjoy ‘yung dinner na ‘yun.
“Dahil people were so excited to see her so they asked for pictures and really disrupting the dinner that was supposed to be spent with the family,” aniya.
Baka Bet Mo: Liza welcome pa rin sa ABS-CBN sa kabila ng mga pasabog na rebelasyon; Lauren Dyogi may inamin tungkol sa GMA 7
“Aiah also had a not-so-nice experience in Cebu where may isang lalaki, may isang fan who got excited, nilapitan siya in a way that’s very improper,” dagdag pa ng TV executive.
Kaya ang mensahe ni Direk Lauren, “Nakikiusap po ako personally as part of the BINI team na sana po ‘pag ang ating mga miyembro are spending their personal time especially with their families and friends to please also show respect to their privacy and personal space.
View this post on Instagram
“Tao rin po sila, kailangan din po nila makisalamuha sa ibang tao. At nakikiusap po ako sa mga BLOOMs at sa mga iba pa pong supporters nila, alam ko excited kayo makita sila, but please remember na sila po ay nanggagaling din po sa very hectic schedule these past few months and more hectic schedules.
“We also want to give them their own semblance of some regular life to be able to spend it with their families in restaurants and some private places as well.
“Kung pwede po bigyan natin sila ng pagkakataon na ma-enjoy naman ‘yun without other people who are stepping beyond the boundaries of proper behavior,” pakiusap pa niya.
Pagpapatuloy ng bossing ng Star Magic, “Nakikiusap po ko dahil po especially for Aiah that experience was really very disturbing.
“This is really a violation of the Safe Spaces Act for Women and this behavior can constitute sexual harassment in a public space so ‘yun po, I am appealing to everyone to please respect the personal space and the privacy of BINI,” dugtong pa ni Direk Lauren.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.