‘The Secret Ingredient’ ni Julia Barretto umariba, No. 1 sa streaming app
PHOTO: Courtesy of Facebook/Viu Philippines
MATAPOS ang finale episode, mukhang mas dumami ang kinilig at natakaman sa global series na pinagtambalan nina Julia Barretto at Sang Heon Lee!
Nitong linggo kasi, nag-number one sa Viu Philippines ang Asian Drama na “The Secret Ingredient.”
Ang good news ay ibinandera mismo ng streaming app sa social media.
“We’re definitely feeling the #SecretIngredient love! Thank you so much for making us the number 1 series this week on Viu! [clapping hands emoji],” caption sa isang Facebook post.
Baka Bet Mo: EXCLUSIVE: Marjorie kinilig, natakam sa ‘Secret Ingredient’ ni Julia
Magugunitang nagsimulang ipalabas ang serye noong April 30 at natapos ito nitong June 4 lamang.
Libre lang mapapanood ang “The Secret Ingredient” sa Viu kaya pwedeng-pwede niyong balikan o ulitin ang mga favorite scenes niyo diyan!
Maliban kina Julia at Heon Lee, kasama rin nilang bumida ang sikat na Indonesian actor na si Nicholas Saputra.
Kung matatandaan noong Abril, nagkaroon ng official launch ang serye na ginanap sa Taguig.
Isa ang BANDERA sa mga naimbitahan nilang entertainment press upang masaksihan ang bonggang promotion ng Pinay actress.
Nag-umpisa si Julia sa isang mall show kasama ang batikang aktres na si Dimples Romana bilang host ng event, at ang sumunod diyan ay ang exclusive press conference at advance screening ng first two episodes ng K-Drama na ginanap naman sa isang hotel.
Nauna nang sinabi ni Julia sa presscon na proud na proud siyang maging parte ng nasabing Viu series dahil bukod sa ito ang kauna-unahan niyang Asian drama ay naipakita rin niya globally ang talento ng Pinoy pagdating sa pag-arte, pati na rin siyempre ang mga masasarap na putahe sa ating bansa.
“Everyday hindi ko alam na parang how do I get so lucky to be part of a project something just as special as this, so masaya ako. Buo na ang taon ko, parang ganun,” sey niya.
Chika pa ng aktres, “Kinilig din ako sa experience na ‘to kasi maha-highlight natin ‘yung Filipino dishes globally…I’m super excited kasi lahat ng Filipino favorites will really be part of the show.”
Ang “Secret Ingredient” ang kauna-unahang regional drama series ng Viu na tampok ang cast na mula sa iba’t-ibang Asian countries –ang Pilipinas, South Korea at Indonesia.
Ito rin ang unang collaboration ng Viu Philippines, Unilever Nutrition SEA at Indonesia.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.