PHOTO: Screengrab from Instagram/@zayn
INAMIN ng international singer-songwriter na si Zayn Malik na gumagamit siya noon ng dating apps, lalo na ang Tinder.
‘Yun nga lang, madalas daw siyang mawalan ng account dahil parati siyang inire-report na “catfishing” o ‘yung taong nagbibigay ng false identity o personality.
Ito ang naging rebelasyon ni Zayn nang makapanayam siya ng American lifestyle magazine na NYLON.
“It’s not been too successful for me, I’ll be honest. Everyone accused me of catfishing. They’re like, ‘What are you using Zayn Malik’s pictures for?’ I’ve been kicked off once or twice,” pag-amin ng singer.
Baka Bet Mo: Janella, Markus madalas daw mag-away noong magka-live in pa, naririnig mismo ng mga kapitbahay
Dahil diyan, sinabi ng British star na hindi muna siya maghahanap ng bagong pag-ibig.
Sey niya, “I’m really content and happy with being single for the first time in my life.”
Kung matatandaan, si Zayn ay dating na-engage kay Perrie Edwards, ang isa sa miyembro ng British girl group na Little Mix.
Ngunit sila ay nagkahiwalay at naging dyowa ang sikat na supermodel na si Gigi Hadid na kung saan ay nagkaroon sila ng anak, pero kalaunan ay nag-break din sila.
Inamin ni Zayn na masyado pa siyang bata noon at hindi pa talagang ready sa seryosong pakikipagrelasyon.
“From 17 to 21, I was in a relationship. I was engaged and [planned to get] married, and I didn’t know anything about anything at that point,” pag-alala niya sa isang interview.
Patuloy niya, “I thought I did, because I was 21. I was legally allowed to do everything, but I didn’t know shit.”
Dagdag pa ng singer, “From 21 to 27, I was with Gi. We had a kid, and I didn’t really take much time to get to know myself.”
“It’s probably wise to take your time before you fully invest in another human being as a lifelong partner,” mensahe niya sa madlang pipol.
Taong 2010, nag-umpisang sumikat si Zayn matapos sumali sa “The X Factor” at maging isa sa mga miyembro ng British boy band na One Direction.
Taong 2015 nang humiwalay siya sa grupo at hindi rin nagtagal nang inanunsyo ng One Direction na sila ay magha-hiatus din muna.
Ang limang miyembro ng popular boy group na sina Zayn, Niall Horan, Liam Payne, Harry Styles at Louis Tomlinson ay abala na ngayon sa kanilang solo careers.