![Dina kinausap si Lord tungkol sa lovelife: Kung ibibigay Mo, now na!](https://bandera.inquirer.net/files/2024/05/Screenshot_20240513-220645_Instagram.jpg)
DV Savellano at Dina Bonnevie
HINDI in-expect ng veteran actress na si Dina Bonnevie na mabibigyan pa siya ng chance na magkadyowa uli after some failed relationships.
Napatunayan ni Ms. D na hindi talaga hinahanap ang love and relationship dahil kusa itong darating kung para sa ‘yo ang isang tao.
Aniya, after makipagrelasyon nang ilang beses, hindi na niya inaasahang muli pa siyang iibig at magpapakasal.
Ang tinutukoy namin ay ang asawa ng award-winning seasoned actress na si Deogracias Victor o “DV” Savellano na undersecretary sa Department of Agriculture.
Baka Bet Mo: Bea ayaw nang magdyowa ng taga-showbiz, pero bakit sinagot si Dominic?
Patuloy pa niya, “I never thought. Wala na akong gana, eh. I didn’t want to have a boyfriend, I didn’t want to go out. Nothing.
“It came at a time I least expected it. I was 50. Sabi ko nga, ‘Lord, parang meron nang nakasulat sa noo ko na ‘Consume before January 27, (2012).
“Kasi on that day, 50 na ako. Kung meron Kang ibibigay, ibigay Mo na at baka may expiration date na ako!'” ang natatawang chika pa ni Dina.
Dagdag pa niyang pahayag, “Sabi ko, ‘Kung hindi mo ibibigay, sabihin Mo na. Kasi hindi na ako magpapaganda. ‘Wa na.
“Pero kung ibibigay Mo, now na. Tapos dumating,” saad ni Dina na ikinasal kay DV noong 2012, na noo’y Ilocos Sur Vice Governor.
Baka Bet Mo: Janice suko na sa love: Kasi fail ka nang fail, baka hindi para sa ‘yo’
“If you keep looking for love, you will never find it outside of you.
“The only time that you will truly find true love is when you begin to love yourself first and accept everything about yourself both good and bad,” sey pa ni Dina.