Alden, R’Bonney sanib-pwersa bilang host ng Miss Universe PH 2024

KUMPIRMADO! Ang Asia’s Multimedia Star na si Alden Richards ang napiling host sa gaganaping grand coronation night ng Miss Universe Philippines 2024.

Ito na ang ikalawang pagkakataon na magsisilbing host ang award-winning Kapuso actor sa naturang national pageant.

Una siyang naging host ng Miss Universe Philippines last year kung saan nakasama niya ang kapwa Kapuso actor at director na si Xian Lim.

Sa official website ng Miss Universe Philippines organization, in-upload ang litrato ni Alden kalakip ang announcement ng kanyang participation sa nasabing pageant.

Baka Bet Mo: Miss Universe 2022 R’Bonney Gabriel bumalik sa Maynila, inalala ang pagbili ng pandesal sa umaga, paglalaro sa ulan at baha, pagto-tongits sa ‘plastic table’

Makakasama ng binata bilang co-host sa coronation night si Miss Universe 2022 R’Bonney Gabriel na magaganap sa May 22 sa SM Mall of Asia Arena.

Inaasahan ding magpe-perform sa pageant ang Lola Amour at si Marina Summers.

Siyempre, present din sa coronation night ang reigning Miss Universe Philippines na si Michelle Dee para iputong ang kanyang korona sa mananalong kandidata this year.

Ang Miss Universe 2024 ay rarampa naman sa Mexico bago matapos ang taon.

Nitong mga nagdaang araw, nagpatalbugan ang mga kandidata para sa iba’t ibang challenges kabilang na ang official headshots, swimsuit photos, evening gown photos, at introduction videos.